Putao myoqne vdo'ng Covid (19) vgám we dang

"Putao myoqne vdòng Covid (19) vgám we dang"

Putao myoq vdòng taq dì we svngrì mask í Nonggøp wamshi, mv-wamshi we dang dvtøpmò nø mask í Nonggøp wam shìlvm rvt mvdøng mv-daq shv-jvkò nø myoqne vsuyaq mvdòrì kèní dvnúng bøā we dāng dvtit dvlé lvm íē. October 13 ni,Kachin mong Putao myoq vdòng vdè chøm kèní vtvnglap svng di we vsvngrì nvng gatnvm we,gatwan we vsvngrì mask í Nonggøp warm shì we vchvnglaqya vl lvm rvt October (13) ni vsháng 7 nārī vdòng taq myoqne Covid(19) vgám we mvdò komiti í shølò nø mask svng wan dvzvrò weí dvnúng bøā we svng shálún shìe.

Putao myoqne Covid (19) vgám we mvdò komiti nvng shiqshandvp dvcømshúri, myoqne yé-mvdorì,midvt mvdò rì dvkømshi nø myoqmaq gat, leyinkwing gat nvng tvra dvkaq rì svng gvwàn nø maskí Nonggøp mv-warmshi rì svng mask tiq lòng k.s 200 lapí nvmà we, Shiqshan tvrà paqzizì we bvnlì svng tiqdø muqhūm dvnúng bøā íē. Putao myoqne taq shiqshandvp nvng ágvzá wunjidvp róng kèní dvtú we vdòngø vyúng kvnyvng nvmvmri,wanshiri svng vsháng (5) nārī kèní vsháng (9) nārī høq, gòng-chyong nvmvmri svng vsháng(5) nārī kèní dørøm (3) nārī høq mvsat nàò nø , Vmpà síngri nø parcel ku nvmlvm dvrá gvlò nø sibyin dayàyé dvzømshuri kèní dvrá nvng chvt wa gat nvmvm we vl,mà-vl nìvrvm dvnúngò we svng shálún shìe.

Wervt vpøí we Pèmè nvmchvng dvcicéri shvngbè vdè chøm kèní shinggan,myoq ,vsvng loksok vl we shvràrì svng leshi vtù ra kvt mask wam shìnø vyáshi laqlúnì wvng tiqdvtvng dvtit dvlé ngòe. Shvngbèí Shiqshan we jèjú leqlun nøng.