Rvgaq svng shvringo nx shxng kvtno bvnli wao shvngka

"Laudato Si" bvnli i we, shxng kvtno nx Rvgaq svng vnvp shvring we 

Laudato Si 5 nxng hxqo we angiq angyaq i rvtnx, Mongdan vrvm yvng vlwe Catholic Shvngxmre ri nx, shxngtxngri kvto nx, Rvgaq svng vnvpmo dx wao bvnli dvzaqshi we ie. Vranx, Hpakant Gwxrwvng yvng gx, shxngtxng kvtno we bvnli wao svng shalun shie. 

Hpakant Gwxrwvng Xp pe, Fr James Zung Ting nvng Fr Francis Awng Li keni vgo washi nx, vlevmmi we May 25, 2020 niq taq, La Sen Jurxt Zigong yvng Jundit (100) txng kvtno we svng shalun shie. 

Shxngtxng kvtno we bvnli yvng, Hpakant Gwxrwvng keni Svrari, Shaqre Shaqtvngri nvng Zilvngreri shvngbe 20 dvngte kxmnx kvtno snvg shalun shie. 

Svrabin Koqkvmpe Francisi 2015 nxng, June Shvla dvgvp dvmvn yvngnga, "Laudato Si" txo Dvmvn Lega 5 nxng hxqo we angniq angyaq rvtx i rvtnx, Rvgaq svng shvring lvm, vnvpmo dx walvm shxngtxng ri kvtno we bvnli kaq wao ie. 

"Laudato Si" Dvmvn Lega nx, Gvrayi mvno we Rvgaq svng vbxlvm, Rvgaq nx Mongzxl vlwe nxngmaq chxm ie wanx vtoo sori shvring shalvm dvmvno lega ie. Vranx, Rvgaq svng gvyaq dvzvro bvnli nx mvra ie wanx vto shalvm shvngxtno we lega gx ie.