shø'ngtøngkat lvm rvt gambing tiq lòng waò we dang

Bingladesh móngdvn catholic Shvngømré sasvna kèní shø'ngtøngkat lvm rvt gambing tiq lòng waò we dang;

 Bangladesh móngdvn catholic Shvngømré sasvnaí "laudatosi"Toniò gworwang ròqgar ì wawe Mongkà nønggøm mvsvt kù shø'ngtøng (400,000) Sen kat we gworwang svng wa bøà. Katbøà we shøngtøngrì svng "Nøngmaq shvngbèò vl-rà chøm "wawe bøng Mongkà svng búnga nøng vhøm mvsvt kù móngdvn vdòng taq wa lvm íe.Yà lòng tiqyø svng myoqdo Dàga vdòng August shvlá 14 nì taq wa shì bøì nø Dàga Kaijòk sasvna taq kèní Cardinal Patrick D'rosarioí dvnúngòe.ya lòng lipong taq Covid Zønlì rvtø dvrá vdòng taq jau,mama, Shvngømré rì tiqmaq nvng wa di nø kat bøā. Cardinal í dvtú dø móngdvn taq vl we shvngømrérí nø dènøng vdòng sasvna (8) lòng vrvmø kat lvm íbøì wàe.Toniò gworwang nvng cingwe Svrabyin koqkvm Mongkà svng 2015 nøng búnga shvlá 24 ni taq Svrabyin Koqkvm Francis í dvkvngbøà nø dènøng búnga nøng vhøm á:mi. Wervt 2020,5,24 ni kèní 2021,5,24 høq Laudatosi toniò gworwang svng ròqgar nøng wa nø mvsvt bøa we íe. Yà lòng gambin nø Mongkà svng mvsvt we mvdvmø shanglut lún wē búngasé nøng vhøm bøì lòng svng gø shvgún shì lòng íē wàe. Bingladesh nø Pagisdani øp we vdòng taqkèni 1971 nøng taq shanglut lún yangā.we mvdvm shanglut lún we svrepè íwe Shit Mukyi Para Mvn Angò tuqrà we shøq angnì svng gø shvgun we íe wa Cardinalpèí shø:nòe.