Shvnvm so' vju' vl we dang

Shvnvm sóí vjú zì we dang, tiqdòngce dvtit dvlé lvm íē.

Vpøí we pèmè nvmchvngmaq Shvnvm nø wvn gø mv-rà,vdè chøm zunwangø, mø-í nì rvmá taq tiqgok dvngtè èwø:nò weí vdè góng dvpvt vjú gvzà lúnshì we svng shá lun shìe. shvnvm nø nvm gø byō we tiqpvn gø íē. Vmlvm pvnrì taq èzvngá:mò nìnø ngór nø vm gø byō we tiqpvn íē.Iwe shvnvm nø pàdang vjú vlē, góng dvpvt kadø vjú zíè wa we dāng tiqmaq ínø sháìe, tiqmaqí nø dāmvsháínī. Vpø íwe pèmè nvmchvngmaq, shvnvmí vjú mvmè pvnzì we svng shálun shì we íē.

(1) shvnvm sóí nø shvwi tøng lòng dvjà òē.shvwi tvríshì lòng angwa gvp ílvm rvt shvdú:nòē wàe. (2) shvnvm só taq antioxidant gvzà luq dø vbáè.shvnvm só èvm kvt-nø góng vdòng svng vtvnglap kèní gòng we bacteriarì svng gø vgá:mòē. Wewa mvtaq ziqzā yv'ngrì gø vgá:mòè wàe.(3) shvwi vdòng kí pvn dvtrì gø shvrāāòē wàe. vrá nø sì chū vl rì dvpvt nø gvzà Vchvk we Shvngkà shvlá tiqlòng gø íē.shvnvm só èvm nìnø shvwi vdòng kí pvn dvtrì mv-but dø vgá:m lúnòē.Vmlvm pvn rì taq shvnvm só tiqhvn lāhvn nàshúò weí shvwi taq kí pvn dvtrì mv-luq dø vgám lúnshìē.(4) shing Shvwi vnvp lvm rvt nònggwøn zíò we tiqpvn gø íē.shvnvm só taq vitamin E nvng vitamin B dvt vbá rvt shing shā,shvwi vnvplvm nònggwøn zí òē.vitamin E nvng vitamin B nø shing dvlálvm pvn svng vgá:mò mvdvmø ,shvng shvngwa vnvp dvzvr lunòē. (5) shvnvm só ínø shvmór dvjvng pvnrì svng gø vgám lúnò nø góngkøp dvpvt vjúzì we tiqpvn gø íē,wa nø góng vdòng shiqshan lúnlvm rvt paqzí zì we Karù shvngkà taq kèní dvtit dvlé shiwe íē.