"Svrabín Koqkvm Francisì Shvngkà dvtøp lvngli tiqpè svng shvgunò we Shvngkà"

 "Svrabín Koqkvm Francisì Shvngkà dvtøp lvngli tiqpè svng shvgunò we Shvngkà"

    Svrabín Koqkvm Francis nø Vnī ni zaqle wang svng bung nø, móng lvmvng Vgo rì, shvngømré , móngzøngcerì nvng sing we shølshú Vgorì nvng vhøm we, v-toq v-tip we, shvngømré, móng lvmvng lìpòng rì taq lum we, Mongkà rì svng shø:nà weí tvyø lvmvngrì gvzà luqwe mvdvmø svrabín Koqkvm Francis nø Roma myoq svng lō we nvmbøng shøchøm mvdvmø Shvngkà lvngli tiqpèò røt Kà svng vta:na we taq Vatican svng nonggùn zí nø vtō we Shvngkà Kàru dvtøp lvngli tiqpè kaq svng vkvt dø shvwa mvngpòng mvrdang yv'ngø shvring bøā we íē. Àngmaq shøne. Ya pè Shvngkà Kàru dvtøp lvngli pe nø Bvnlì wàlvm rvt (24) nāyi dvlú dvgøshì shaq íe wàe. Vrá nø àng nø dvgá tiqdvr vsvng rì kaq nvmlat vpø sha we nønt mvsøn laqya vlē. Yalòng nø Jose Beltran í Eva Fernande svng shvngu shvring yvngà Kà íe wanø svrabín Koqkvmpèí shøn bøā.

       Svrabín Koqkvm Francis nø matgvcing tiqlòng íwe Vida Nuevaò director Jose Beltrán ò mvsø:'ng lòng svng kogá nø Lu shì we íe. Svrabín Koqkvm Francis nø welong matgvcing lòng rvt gvzà nønt shøm lúnò we íe. Svrabín Koqkvm Francisò shvngu shvring we nonggùn zi Kà nvng bvnlì wà rvmnvngrìò nonggùn zi Kà ta lún bøā jvng Kà shøn gø mvlúnò høqshaq íwe dang shvring vhøm bøā we Shvngkà Kàru dvtøp lvngli pè shøne.

      Mvdøng nø svrabín Koqkvm nø Eva Fernandezò bvnlì mvdvm nønt lum we nvng singdø angpoq poq shvring lúnòe. Mvdøng nø svrabín Koqkvm kaq vhøm nø mvmè yvnggú:ng røt Kà nvng sing nø shvring bøā we íē.