Svrabín koqkámpè Francis í svrado rì svng tvnù:ngò we jejú mòngkà 8 dang

Svrabín koqkámpè Francis í svrado rì svng tvnù:ngò we jejú mòngkà 8 dang

Svrado rì dvpat jejú mòngkà 8 dang svng Svrabín koqkámpè Francis taqkèní Italy móngdàn svrado rì nvng tvnùng vtnà we íe.

1. Dvshà lvm nvng lvpat cúnshìwe tvrà taq ripā we svrado rìtaq jejú vle. Pàwá wani àngmaqnø lvpat shvkse rìnvng muqlàng móngdàn svng vrangā we vsvngrì íe.

2. Rvyù rvyóng we tvrà vhøm lvm svng màsvre we svrado rìnø jejú ìshøt vle. Pàwá wani àngmaqò yòr necìrì taq shvrúng shú rìò bvnlì tvrà nvng vsvngrì ò necìrì dvpat gvray yvngkèní nvngòn kù:ngàrì mvnā dvzvŕ we rat íe.

3. Àngdèò vyàng roqshú bvnlì svng vko vkángrì dvpat wáshìwe dø mø:í nø cipshìwe nøt vdòng taq dvzvŕ rìò tvràku wáshìweí we vyàngré rìò nvrøm vdòng taq vlwe svrado rì nø jejú ìshøt vle. Pàwálvm wani àngmaqnø kù:ngà vnønwe vsvngrì svng gvray àngí kàciq gvl ráā we shvrà svng tuq dvzvŕ lú:ngòe.

4. Móng øpshøl we vgorì nvng singwe bvnlìrì dvhø taq gø rvcángcèrì, shvngømré rì vdu vbóng we dvrá tvrà svng tóngā we svrado rìnø jejú ìshøt vle. Pàwálvm wani gvray ínø nivrvm ziwe ìshøtrì kèní jejú zí lú:ngòe. 5. Dvshà mvhøt lvm shìwvtrì vkønwe ya mònggvn taq dvsháza shóngnøt gvlshìnø, vsvngrì ò lvpat svng tubùm dvbangā we, shvnapshú wáshì we nvng shvkse shvlá wáshì we svrado rìnø jejú ìshøt vle. Pàwá wani àngmaqnø àngdèò kù:ngà vnønwe tvràrì síngshá shìvmweí kàngpè Yesu ò chutcháng we jejú svng vto shì dvzvŕ lú:ngòe.

6. Mvgam màshvlawe ngàshàrì dvhø taq shvlawe tvrà svng shølshú wáshìwe svrado rìnø jejú ìshøt vle. Pàwá wani àngmaqnø gálòng svng dvtanā we rat gvray mvr taq dvbùlvm svng vtoshì lúnlvm ílonge.

7. Mòngzøl lvm tvrà dvpat vsvngrì kaq mvrà chutā nø vzøm vzvpwe, mvkoknøt vshøp we nvng àngnvm àngchvngrì shóngnøt gvlshì we svrado rìnø jejú ìshøt vle. Pàwá wani àngmaq svng nø gvray àngcèrì wa tølú:ngòe.

8. Lvpat tìyø taq cvnnø gvray dvbùshvng mòngkà gálòng svng dvshvng lvm kámshìwe svrado rìnø jejú ìshøt vle. Pàwálvm wani àngmaqí nø muqlàng móngdàn nvng rvgaq mvdàm wawe màbóng lòngsvng shvlá wa síngsháò rat íe.