Bvnlì wàng cèrì kaq vpø shvring lvm wàì

Bvnlì wàng cèrì kaq vpø shvring lvm wàì.
            
Yadø mvhøt we mònggvn dvjà rvtø taq chvpdap bvnlì zømshì we bvnlì wàngcèrì ò lvpat svng dvdamā lvm wàì. Àngmaq svng gvray tvrà shvngøt dvtú lvm nvng tubùm dvbangā ràwe dang dvtú bøà we íe. Rvcángcèrì dvhø nøngmaqí kapà svng shvring vpø ìe walòngrì taq tvsvng dvløtwe, shvng shvng wa vtánā we tvràrì, yànggùng ngàngdøng lvm vdu vbóng we laqyàrì nvng shømløm tvràrì gø vbá vdu longe.
            
Bvnlì wàngrì taq bvnlì wàngcèrì lvpat zíshì bøì vsvngrì gvzà vl bøì. Yalòng nø røtømshì we zìdang tiqlòng mø:í v:mì. Yarì shvngbe nø vsvngrì wa íshàe. Pàti mvlan we laq mvwàì. Vsvng wawe nø gvray ìshøt tiqlòng niíe. Àngmaq mvvl nìnø pàgø wá lúnshì lvm mvvl long. Weratnø bvnlì wàngcèrì kaq tubùm dvbangā we nø we bvnlì wàng svngwa mvtaq vsvng zìdang svnggø dvhángā we gø íe wanø tvnùng vtnà we íe.