Vrvm vrá lúnlvm tvrà dvpat vjú èrøt nøng

Vrvm vrá lúnlvm tvrà dvpat vjú èrøt nøng
            
Svrabín koqkámpè ò rvcángcèrì vrvm vrá lúnlvm tvrà bvnlì shvnvm íwe Cardinal Koch nvng svrado gvbà Grech àngní í 2021 October 21 ni taq we bvnlì nvng singwe shølshú shaqrérì kaq svng dvtú kàru shvlang shaq íbøì.
 
We kàru taq shvngømré lìpùngmè nvng rvcángcèrì vzøm vzvp, vrvm vrá lúnlvm tvrà svng tóng dvzaqshì ràwe dang vbá we íe.
 
Rvcángcèrì vzøm vzvp vrvm vrá lúnlvm wawe tvrà svng gømpaq vzí kewe tiqlòng dø vtoshì ràwe nvng Catholic shvngømré taqkèní gø shvngømré lìpùngmè taq lúnshì rawe nøt vrá kàciqrì svng nø dvgá shvngømré vnvm vchyangrì yvng kèní lúnshìwe mvkrøm nvdøprì wanø vtoshì vdu longe 
            
2022 taq wàlvm íwe rvcángcèrì vrvm vrá lúnlvm shvngømré lìpùngmè taq vjú røt lvm kà vgo lòngnø Mati 2:2 ciq taq vru shaq íwe

 “Yuda dvcì Koqkv́m angshv́r gv̀l daqà pè kayv́ng v̄le ma? Kadø íe wani Ang kurnip chv̀ng nø nv̀msvr làmø yv̀ng bǿshà rvtnø, Ang svng noqlv́m nøngmaq dì ráshà,” wae. wawe jømciq svng mvngushì lvm íwe svng dvtú bøà we íe.