Dvbùshvng bv̀nlì wawe nø Gvray ò shóngnøt svng dvtanā we dvzv́r ni íe

Dvbùshvng bv̀nlì wawe nø Gvray ò shóngnøt svng dvtanā we dvzv́r ni íe
Dvbùshvng bv̀nlì wawe taq St. Teresa nø sasvna zaqlè tvrà yvnggúng svng diwe mvtaq dvcì kàpv̀n àngshv́r rì svng gø cvnshì nø dvbùshv̀ng bv̀nlì shvlárì svng wá dvzaqshì ráì wegø íe.
Dvbùshv̀ng bv̀nlì wawe nø gvray ò shóngnøt svng dvtanā we dvzv́r rì ínø̀ àngmaq vlwe shvrà kèní shvkse wáshì we nvng dvtit dvle vjúrøtā we taqkèní Yesu kristu àng nvng tiqdø vzø̀m wegø íe. 
Yalòng nø dvzv́r rìò kù:ngà tiqlòng ínø mvdø̀ng mvdaq ni shvngø̀mré kaq svng vpo dvzv́r we mǿí àngmaq svng tvrà dvtanā we ílòng svng síngshá lv́m shvdǿmwe gø íe. Kámnøt wawe nø tvrà dvtanā we yv́ngkèní pv́ngshì wegø íe. 
Vsv̀ng tiqgǿ gǿ taqkèní mvdø̀ng mvdaq góng dvzv́r we yv́ngkèní kám vsv̀ng tiqgǿ bø̀nlongwe gø mǿí. Ínìgø we shóngnøt nvng vtøpvm we kvt rvcángcè tiqgǿ bø̀nlong we íe. 
Shvngø̀mré mè nø nøngmaq kaqsvng tiqkvt kvt dvdut we mǿí dø téwa vchvk we nø St. Teresa døni vsvng rì kaq laqyà shvlá wáshì we shóngnøt kèní vsvngrì kaq Gvray yv́ng svng shøl we wáshì lv́m nø vchvk we íe.