Mònggv̀n nvng singwe vsv̀ng nvmvm we bv̀nlì svng vgám gvsvt lv́m dvzaq shàì.

Mònggv̀n nvng singwe vsv̀ng nvmvm we bv̀nlì svng vgám gvsvt lv́m dvzaq shàì.

Italy móngdàn taq lvpvt ò kùngà nø nøngmaq kaqsvng muqhǿm mvngushì lv́m ròráshaq kùngà kèní vsv̀ng lvpvt ò àng mvtú svng lálv́m nvng shìwvt tvrà rì àngdang dang taq tiqdá vsv̀ngrì dvpvt tiqdàngcè taqnø tubùmā lúnwe íe.

Mònggv̀n vjúrøt tvyø àngni nvng vrá dvtøp lv́m dvpvt tuqráì we móngdàn vrv̀m kèní shòlaqré rì svng pàmvrà vtoò sórí February 8 ni taq vsv̀ng nvmvm we tvrà svng vgám gvsvt we tvyø svng wáshì bǿì we íe.

Dèni bat vnvm vchvngrì mvlúng ka taq mvdøng we kàciqrì, shvnip shvnvr we tvrà rì vmupvm we tvrà rì vkǿn we dvhø̀ taq v́l vduv́m shà. Mònggv̀n nvng singwe vsv̀ng nvmvm we tvrà svng vgám gvsvt lv́m wàì wanø̀ Svrabín koqkámpè Francis taqkèní dvkám bǿà we íe.