Lvncha

"Lvngcha"

Mònggáng taq Vsvng luq mvnshì nø jvk róngrì nvng modori luq mvnshìwe nvng mvløng muqò weí mónggáng rvgaq yachvng nø tiq nøng mvdvm tiq nøng té vkatshì mvnshìe. wervt nøng maqí nø vkatshì long ya mvdvm mvluq lvm rvt gar lún dvngté gar dvzaqshì ràe.Mvløng shøngsáí nø vkatshìlong shø zaq long svng shvrákéòe.I we mvløng muq í kvt nø shø zaqdaqke shø ti Vdvng ram à-vl rvt dø'l vdøle.Vrá gwit dvt mà-vl rvt vtvngkení vkatshìe. Dènilà modori luq mvnshì rvt Modo mvyø' ,vrá jvk róng mvyø' nvng lv'ng mà-shvla we shøqsherìi gø lvngcha dvja gvyaqkéòe.wervt vháng vlún we móngdvnri taq nø Modo kení gø mvyø' naq mv-léshìlvm rvt gvsat vjøn ma:nòe. Nøngmaqí gø kadø wa shvla má?vdè Wang taq vyúng kvnyvng nvng nvmpu nvmbvnri kvt dvzaq shì ràe.Gø vrvm, rvp vrà:mí wá ngwø:tnì dvngté mvshøng we shø'ngri vyúng nvng vnvp we nvmpu nvmbvnri kvt lú:ni nìnø vdè rvgaq vnvp rvmshilong mvdvm nø vkat shi lòng gø vnønlv'm rvt dvzaqshàì we íe.Mvløng muq na:rì.Rvmá chum na:rì.vdè rvgaq kení lún Shi we Nìnà niqrì vjúvl dø lá:ngì. Vdè wáng dvcøpshàì.vdè vngámlap shvnvpshàì.vdè wáng taq nvmsì shø'ngtøngri nvng nvmpuri vm shvla we vyúngri yo nìnø nønt byo ràe.nønt byo Vsvng nø lvpat gø yvnge wae. Nøngmaq rvgaqri nø ang egaqíe.we vdòng taq tiqpvn tiqsvng èka:tnò weí shvvm lúnshì we mvdvm gvmsùng gø lúnshì dø wa Shvlae.Vdè vdálvm rvt dvgá tiq gøí wáa ra we mø-í.vdèni dvzaq shìrà we íe.Vdè mvhì taq vyúng yo nìnø wvnvm mv-rà.Gvnsúng bé mv-ra.Cvmréri nønt taq gø vyúng kvnyvng kvtnvm ràe wa nønt lvzvng long dø angpè,angmèì shø:lì.dvtúì..wvng dvmvn we shangkà nø yàyvng na:ròe.