Gvrayo Shongnxnt dvtvno long nx, Nxngmaq dvpvt angdal nvng vbunge

"Gvrayo shongnxnt dvtvno long nx, nxngmaq dvpat angdal nvng vbunge. Pvwalvm wani nxngmaqi Kristuo Wvrgvng svng yvng we rvtx vrvm yvng, Akangpe Gvrayo shongnxnt svng yvnglun shie. Wvrgvng nx, jxng jxng Gvrayo shongnxnt legabuk ie", wa nx Svrabin Francisi shxnoe.

1Cor 4:10 yvng,"Nxngmaq nx Kristu dvpvt rvtnx svngdal ri ishae" wa nx shxno. Svngdal ri nx share we tvra, sharaqshi we tvra mvvl. Vranx, vsvng tqwvn nx gvmsung lunshi we bvnli yvng sharaq shiwe, share we tvra mvvl nx kapvn bvnli ini gx waoe. Tiqwvn nx Vmlvm, aqlvm tvra yvng share we, sharaqshi we tvra mvvl. Tiqwvn nx aya lunlvm, vhvnglvm tvra ri yvng share we, sharaq shiwe tvra mvvl.

Wedxni share we, sharaq shiwe tvra mvvl we bvnli ri taq Gvray Dvbushvng Mongka dvpvt, shongnxnt nvng dxngmvn tvra ri yvng share shiwe, sharaq shiwe tvra mvvl keni cunshi  we tvra nx tewa vpxwe bvnli iwe svng dvdvm lunshie. Wvrgvng nx, vzvng rvtx taq, Roma vsvngri dvpvt mongzxl mvvl we, sharaq mvchaq iwe long ie. Yesu Akang pe svng wedx iwe Wvrgvng mvdvm shvtno we ie. 

Akangpe Yesu nx, chut chvng we bvnli nvng nvngmaq svng shongshi rvtnx mvreza we bvnli yvng, sharaq shiwe tvra, share we tvra mvvl nx, Wvrgvng mvrdvng gxnshaq dvbxmshi hxq Ango shongnxnt svng dvtvno we ie. Vranx, Lvmboq ri gx wedx tiqdvcha share we tvra, sharaq shiwe tvra mvvl nx, dxngmvn dvra, shongnxnt nvng Dvbu Shvngka dvpvt gxnshaq dvbxmshi we ie.