Vle á:me we september 23ni 2020nøng Svrabín francis í shøn nò Mòngkà

Vle á:me we september 23ni 2020nøng Svrabín francis í shøn nò Mòngkà

Vle á:me we september 23ni 2020nøng Svrabín francis í shøn nò Mòngkà tut lòng svng tiqkat rá ta shìlvm waì. Svrabín pèí kadø shøn nò má wa nø vsvng lvpvt nø mvdøng mvdaq íwe vshøm pvn yvng vhvp shìe we vshøm pvn nø kadvgvp gø tiqrá vlwe rì íe. Werì nø Gvray nvng tiqrá ni shìwe Tvrà vnvm vchvng rìnvng tiqrá ni shìwe tvrà nvng rvgvq nvng tiqrá ni shìwe tvrà rì íe wanø Svrabín pè íshøn nòwe svng nømaq shálun shìe.

         Svrabín pè í shøn lòng svng nøngmaq tiqkat rá dvdvm we Rvtø taq English ka tiqka vle we long nø ''no man is an island' vsvng nø ya rvgaq yvng tiqgø wa vl mvdaq we Tiqgø wa cúnshi mvdaq we svng shálun shi we tvrà ie. Ya rvgaq nvng ya rvgaq yvng cúnshi we Rvtø taq gvray nvng vni shì nø tiqrá cùnshi we Tvrà vlràe. Gvray nvng ni shìwe tiqrá cúnshi we tvrà lvchøm nø gvray nøt svng cvnwe gvray dvgùng Shvgùn nòwe gvray svng Dvbu dvzárò we mvgvm màshvla we mvrà vlwe tvrà rì svng vgvm mòwe gvray í mvshóngshìwe tvrà rì svng vgvm mònø Kámnøt taq kèní cúnshi welòng svng dvdvm lún shì we tvrà íe.

                    Vránø vnvm vchvng rì nvng ni shì nø tiqrá cúnshi we tvrà nø vnvm vchvng ri shóngshì we tvrà mvràchut nò sóri vrvmvrá shì nø cúnshi we tvrà dvshá mvhøt Vhøm we rì svng mvré zanøt taqkèní dvbvm nò we tvrà tiqgø nvng Tiqgø nø yesu bøng vdòng taqkèní vto shì sóri vpøwe nøt taqkèní cúnshi we tvrà rì svng nøngmaq dvdvm lún shì we tvrà íe. Vránø rvgaq nvng mvngu shìnø tiqrá cúnshi we tvrà nø rvgaq gø gvray í mvnò we dvrè íe we nø vto sórí rvgaq svng vjú vl dø døngmvn we tvrà taq kèní vpø ònø rvgaq svng shóng shi welòng íe. Pàwálvm wani nømaq dvpvt Gvray ímvn nòwe Shvngbe nvng singwe cúnshi we tvrà dvpvt vpø vtang we ishøq igvn íe wawe svng nømaq dvdvm lún shìwe tvrà ie. Werat nø Svrabín pèí shø:nòwe vsvng lvpvt nø mvdøng mvdaq íwe vshøm pvn yvng vhvp shì ìwe vshøm pvn nø kadvgvp gø tiqrá vl we rì íe. Werì nø gvray nvng tiqrá ni shì we tvrà vnvm vchvng rì nvng tiqrá ni shìwe tvrà nvng rvgaq nvng tiqrá ni shì we tvrà rì íe wa nø shøn:ò lòng svng nømaq yadø dvdvm lún shì we tvrà íe.