2023 nǿng vdòng ám-vq vnvtshì ràwe nila taq Svrabín koqkámpè Francis taqkèní dvtú we mòngkà

2023 nǿng vdòng ám-vq vnvtshì ràwe nila taq Svrabín koqkámpè Francis taqkèní dvtú we mòngkà

Shóngshø̀ngwe pèmè vnvm vchangmaq nøngamq shvngbe nø tiqnøt tiqmòng vrv́m vráì we vdòng taqkèní yadø ám-vq vnvtshì we langcha svng vle lv́m wàì. Dvsháza shóngnøt bv̀nlì tvrà taq nøngmaq maq dìlv́m wàì. Yadø ám-vq vnvtshì we 40 ni 40 yaq rvtø̀ taq nøngmaqò rà vchvkwe dangrì mvdàm mònggv̀n vchvkwe tvràrì svng téwa síngshá lúnlv́m ílonge.

Mòngzø̀lwe tvrà svng tiqdá vsvng kaq tubùm dvbangā we dang taqkèní vto lúnshì wegø íe. Yadø ám-vq vnvtshì we rvtø̀ taq vjúrøtshì we tvrà nvng Gvray àngò tvrà svng vrá dvdam shàì weí Gvray àng vtoq vtip shìlv́m rvtø̀ zí shàì.

Yadø 40 ni 40 ya rvtø̀rì taq ám-vq vnvt shàì nø vdèò pvlàcè tvrà dvpvt jø̀ng jǿngni vchvk we dangrì svng wá dvzaqshì lv́m wàì.