2024 nøng, February shvlá Svrabyin Koqkvm Francisò vjúrøt dvnúng mvnggá nø "zā yvng yóga lvngdøm dvtvng taq í rì dvpvt" íē.

2024 nøng, February shvlá Svrabyin Koqkvm Francisò vjúrøt dvnúng mvnggá nø "zā yvng yóga lvngdøm dvtvng taq í rì dvpvt" íē.

Za yvng dvjvng yóga lvngdøm dvtvng taq í rì dang vsvngí shøn lú:ngò dvgvp Lvjángshì màshvla, tubum màshvla wàì nø tiqlvng màlé shønì we Kà v-ni lòng íe.  

Za yvng dvjvng sherlvm vmìng cvmaqce vløm ra vl we zā gø' vrvm yv'ngø, cì lvjángshìlvm lúnò nø tasvng tubum dvbvng we, Pvlàcè nvng Nønt mvsøn nònggùn kūnga vzàm zíā ràe. Tiqkvt kvt zā vsvngrì Kà shøn mvlúnò. Tiqbaq baq àngmaq í nøngmaq kaq mèmvshvlrì wā dvdvm shìe.

Íni gø àngmaqò Wūrì svng èzø'mlúngò dvgvp àngmaqí nøngmaq kaq svng v-toq v-tìp vzø'm lòng svng sháòe. Nvnnvn lvjángàlvm nø bøn mvdaq. Íni gø zā gø' kaq svng nøngmaqí rvtø vrvm tubùm mvzó:ngà ra íe.

“ Rvtø vrvm tubùm mèkok ò, bøn daqni nø lejángào" wā St. John Paul (2) í dekv'm yvngì. Wè vdòng Palliative Care yóga cø'mlúnlvm mvzó:ngà nø mvkok lòng vbáe. Wè lòng nø za gø' svng cì lvjángà we, v-màqkvmà we, lún dvzvr lòng mvdvm vsvng shvdaq vzø'm vzap tubùm dvbvng kè lòng svng lúnshì we íe.

Yvklvm rvtø rì taq Døngku rì svng vkvt dø gúr mvdaq we íe. Àngmaqò tvrà rì nø lvngdøm íē. Àngmaqò shagóng, Pvlàcè nvng v-toq v-tìp tvràrì dang taqø vbóng vtok dø tubùm dvbvng lúnlvm ràe. Za yvng Yóga lvngdøm dvtvng taq vl rì nvng àngmaqò Døngku rì taqø ra we cì mvwvn rì, tasvng dvsházā tubùm dvbvng kè we jèjú vtōshì lún lvm rvt vjúrøt dvbvngài.