2027 nǿng mònggv̀n zìlàngré àngni nvng tiqdø Korea dvcì tóng laqyà rì svng dvtan we yv́ng lúnlv́m dvpvt Korea Svrado kèní go we.

2027 nǿng mònggv̀n zìlàngré àngni nvng tiqdø Korea dvcì tóng laqyà rì svng dvtan we yv́ng lúnlv́m dvpvt Korea Svrado kèní go we.

August 1-6 ni høqshaq Portugal móngdàn Lisbon taq wáshì bǿì we mònggv̀n zìlàngré àngni bóy tvyø lvmvng làngdø̀m ni taq Svrabín koqkámpè Francis taqkèní tuqrawe 2027 nǿngò mònggv̀n zìlàngré àngni svng nø Korea móngdàn Soul myuq taq wàlv́m íbǿì we dang dvrá shvng vrìng bǿà wegø íe. 
Korea móng Soul myuq ò Svrado vgo pè Peter Chung Soon-taek taqkèní gø we shvngkà rvt vtang kèní dvbù nøtí vto shì we dang Vatican shvngkà svng shǿn vtàn bǿà. 
Svrado pè taqkèní gø mònggv̀n zìlàngré àngni svng móngzøng cèrì shvngbe dvpvt vko vkáng tiqlòng ku yv̀:ngò we dang, dvcì kà nvng tóng laqyà rì nø dvgá dvcì rì nvng màbóng nø vsháy we dangrì vl longwe ínø yvk we tvrà rì gø v́l sháshì longwe dø ínìgø Gvray mv́r taq shvngbe nø tìløp kámshì bøwe mèpvng shvngbe nø àngnvm àngchvngrì wani íbǿ shà nø̀ Korea móng dvcè rì taqkèní gø we mònggv̀n zìlàngré àngni svng kø̀mngǿm rawe zìlàngré rì shvngbe svng Korea móng ò dvcì vtóng laqyà rì kèní Kristu vdòng taq shvngbe nø tiqnøt tiq mvyùng íshà we dang dvtan lúnlv́m dvgǿ shìwe dang vtàn bǿà wegø íe.