Bashà laqyà rì cv̀nwe shvrúng shú rìnø gvray svng mvshá ò, dvrá mvlang we vsvng rì kaq shvrúng shú vya dangā we íe wanø svrabí koqkám pè shønwe

Bashà laqyà rì cv̀nwe shvrúng shú rìnø gvray svng mvshá ò, dvrá mvlang we vsvng rì kaq shvrúng shú vya dangā we íe wanø svrabí koqkám pè shønwe

April shvlá, shv́nshér we lvbán (4) ninø Catholic sasvna shvrúng shú rìò àngni wanø̀ mvsat shìwe gø íe. We ni taq Svrabín koqkámpè Francis nø St. Peter noqngøm tø̀m ø shv̀nshér we tì svng mv́nwe nvng noqngøm tìyø svng nv̀mlaq wápv̀ng bǿà we íe.  We noqngø̀m tìyø taq Svrabín koqkám pè Francis taqkèní nǿng vrv̀m shvrúng shú rìò cv̀ndøng dvrá rì kàciq rì dang jømciq rì taqkèní vrá tiqkvt dvtú bǿà wegø íe.

Yanǿng vdòng taqgø Svrabín koqkámpè taqkèní vlé shìwe cv̀ndøng vtóng rì (3) dang nvng we vtóng (3) dang rì nø Catholic shvrúng shú rì kaq svng àngmaq lvpat taq kámshì shaq íwe kàciq rì nvng kømzøp dø  cúnshì lúnlv́m dvpat vtøpshì sháò e wanø dvkám bøà.

Wedø mvdøng mvmvn we cvndøng vtóng rì taqkèní (1) bashà vtóng cvnwe laqyà íe. Yadø cvndøng vtóng rìnø àngdè ò dvgùng svng shvring shìwe, ídøm shìwe nvng dvshángshì we nøt laqyà rì íe. Àngwà bønwe nøt laqyà møí nø àngdè taqkèní wáshì we nøt laqyà rì íe. Bashà vtóng cvnwe nøt laqyà gv́lshì we shvrúng shú rìnø gvray svng gø mvshá ò, cvndøng dvrá wawe gø mv-vl we vsvng rì í dangā we dø bønshá ò we íe wanø dvkám we íe.