cø̀msaq mòngzø̀l tvrà nvng dvsháza bv̀nlì rì wàlv́m Svrabín koqkámpè taqkèní dvkámwe

cø̀msaq mòngzø̀l tvrà nvng dvsháza bv̀nlì rì wàlv́m Svrabín koqkámpè taqkèní dvkámwe

2023 nǿng September 13 ni taq Cø̀msaq mòngzø̀l lv́m tvrà nvng dvsháza bv̀nlì rì wàlv́m Svrabín koqkámpè Fracis taqkèní dvkám bǿà we íe.

Dvshà vsv̀ngrì nvng tiqdø vlwe Gvray mv́rdàng taq nøngmaq taqkèní àngkaq svng kadø wa vtoq vtip shàì we ímá? Dvshà mvhøt vtangwe vsv̀ngrì kaq svng kadøwa vtoq shàì we ímá?

Shv̀nshér vsv̀ng Jose Gregorio ò kàshvbóng taq nøng maq kaqsvng shvlawe sv̀ngpv̀n vzø̀m vzvp tvrà, wulaq tvrà nvng dèni batò móng lvmangrì taq dvzaqshì lv́m shvdǿm we íe.

Shìwvtrì, vléshì we tvrà rì nvng dang vràm kaq svng vsv̀ng shvngbe í shvdǿm wegø íe. Ínìgø rvcángcè rì taqkèní nø we tvrà svng wá mvdaq longnø̀ àngmaq nvng vzø̀m lv́m wáshì ràlonge. vjúrøtshìwe tvyø rì nvng vzø̀m nø̀ vsv̀ngrì kaq yitkewe gø wáshì mvdaq.

mòngzø̀l lòng tvrà nvng rìn vráwe dvrá tvrà taq mv̀ng dèzaqshìnø̀ng. Wedø wá dvzaq shìwe nø dvzv́r rìò bv̀nlì tvrà taq paqdàng tvle shìwe nvng gø vbóng longe.

rvcángcè rì nø dvgùng vlwe bv̀nlì rì wae wawe taq mòngzø̀l lv́m tvrà svng ewa we gø dvgùng tiqlòng ni íe wanø dvtú we íe.

Shv̀nshér vsv̀ng St. Gregorio nø cì svrawon tiqgǿ íyv̀ngì nø̀ dvsházà bv̀nlì tvrà taq ni vrv̀m wá dvzaqshì yv̀ngì wegø íe.