cømsaq mòngzø̀l we tvrà svng kadø vrang ràwe dang dvtú we

cømsaq mòngzø̀l we tvrà svng kadø vrang ràwe dang dvtú we

"Ngànø Ukraine móngdàn kèní IVAN tǿngshø̀ngpè ǿngngàe. Cø̀msaq mòngzø̀l tvrà svng kadø wárà we dang nà tán na lóngshà" wanø̀ røtne.

Cø̀msaq mòngzø̀l tvrà svng kadøwa vrang lv́m wawe røt kà svng vtàn lv́m nø yvk longe. Ngà yv́ngsvng  edi ra. Dam lòng svng dam kèní ezúshìnø̀ tvle èteqshì weó vsvng kaq zá dvzv́r we mvzàn dvbung lv́m bv̀nlì lòngnø téwa yùl we bv̀nlì íe.

Yarì shvngbe nø̀ tòniò dòngnøt mvsø̀n kèní bungwe íe. ínìgø mòngzø̀l lòng svng kadø wa vrang lv́m wawe mòngzø̀l lv́m tvrà lòng svng kadø vrang lv́m walòng àng mvtú svng lálv́m nø rvzaq longe.

Yalòng nø laqyà nvng chvpdvp bv̀nlì taqkèní wa bǿndaq we tvrà tiqlòng gø ílonge. mòngzø̀l we tvrà svng tiqdá vsv̀ngrì nvng kadvgvp gø mvngu dvzaqshì we taqkèní wur vzø̀m nø̀ wá ràlonge. Mòngzø̀m we tvrà nø vsv̀ngrì nvng wur vzø̀m nø̀ wá ràwe tvrà ni íe.

Wur vzø̀mwe taqkèní mòngzø̀l lv́m tvrà svng wáshì we írvtnø̀ vdè tiqgóng vrv̀m taqkèní vdè ò chø̀m dø̀ngku taqkèní wápv́ng shì shvla wegø íe.

#PopeFrancis