Catholic shvngø̀mré mè taq vsv̀ngrì tiqgǿ vrv̀m dvpvt shvrà vle

Catholic shvngø̀mré mè taq vsv̀ngrì tiqgǿ vrv̀m dvpvt shvrà vle

Svrabín koqkámpè Francis taqkèní mònggv̀n dø̀ng taq vlwe shvngø̀mré shølshú rì, shòlaqré rì kaq svng “ Everyone, Para todos” wanø̀ dvtú we íe. Catholic shvngø̀mré mè taq vsv̀ngrì tiqgǿ vrv̀m dvpvt shvrà vle wawe àng lvjøm nø vsv̀ngrì gǿ vrv̀m nø zǿm mvdàng, vjú mv-vl wawe vsv̀ng tiqgǿ gø mv-vl, tiqgǿ vrv̀m dvpvt àng shvrà nvng àng shvrà wedø ni vle Gvray í nø nøngmaq kaq svng shóngnøt èzíì wedø vsv̀ng mv̀ngpòng mvdò rì taqkèní gø nøngmaq svng rà vchvk nø ècaì we íe walòng svng dvtú we íe.

Gvray ínø nøngmaq kaq svng Gvray àngkaq svng kám vlǿmshì lv́m nvng àngí nøngmaq svng vtang kèní shóngshì nø shóngnøt í mèkokì we dang vtànò we íe.

Yadang nvng singnø̀ Jeriku wamà taq vsv̀ng kayaí mvwám shìwe kuya gúnshúpè Zakiru ò lvpat mvshǿl kèní gø nøngmaq cvnshì lv́m dangrì vtoshì lú:nìe. Zakiru nø vsv̀ngrì taqkèní àngkaq kadø shvyǿm we ínìgø àngò Kàngpè sv̀ng yv́ng mvyǿ we shvrúng nøt taqkèní Kàngpè Yesu í àngkaqsvng dvsháza we shóngnøt svng vtoshì lúnò wegø íe.

Nøngmaq shvngbe taqgø vhǿmshì rawe shìwvt rvmèrì svng vle ìnø̀ Kàngpè nvng vzø̀m vzvp lúnlv́m dvzaq shàì. Nøngmaqò lvpat tvrà taq Kàngpè Yesu dvpvt shvkse wáshàì nø cúnshàì.

Svrabín koqkámpè Francis dvtut shø̀nwe taq “shòlaqré rì dvhø̀ taq àngmaqò shvrúng nøt kù:ngà taqkèní dèni bat taq dvbùshvng sasvna tvrà tiqlòng ku kù:ngà zaqráì.” Àngmaq kaq svng shóngnøt kèní rvtø we nvng mvkok we vsv̀ngrì mv-vl we la ínìnø àngmaq nø shvngø̀mré kèní vsvrvm nø we shvngø̀mré taqgø kù:ngà vnǿn lv́m tvrà svng tuqvm we íe wanø Svrabín koqkámpè Francis taqkèní shvngø̀mré shølshú rì nvng shòlaqré rì kaqsvng shvdǿm nø nònggwòn ziwe gø íe.