Cvmré dvjáò we bvnlì nø vsvng shvt we bvnlì tiqlòng íe wanø Svrabín koqkámpè Francis taq kèní svdiq ziwe

Cvmré dvjáò we bvnlì nø vsvng shvt we bvnlì tiqlòng íe wanø Svrabín koqkámpè Francis taq kèní svdiq ziwe

Svrabín koqkámpè Francis taq kèní cvmré dvjá ò we dang nvng singnø móng øpshú vgorì nvng vhøm nø dvmvn we wàbøà we íe. Àngí dvtú ò we taq cvmré dvjáò we bvnlì nø bvnchyat tiqlòng mvdàm mvrà tewe vsvng shvt bvnlì íe wanø svdiq zí bøà we íe.
 
Kadø íwe dang taqkèní èyv:ngò we ínìgø cvmré dvjáò we nø vsvng shvt we bvnlì tiqlòng ni ílonge. Wedang nvng singnø røt lvm tvrà vl longe. Bvnchyat tiqlòng svng dvshvr pvran lúnlvm dvpat vsvng shvt vdue má?

Mònggvn dikban paqzí tvrà ku èshø:nò we ínìgø welòng svng vsvng lvpat tiqlòng wanø shøn vduwe íe. Dvgá tiq dang taqkèní nø shìwvt tiqlòng svng dvshér lúnlvm dvpat vsvng shvt we bvnlì nø jòwe tvrà íe má? Yadang nvng singnø Gvray à:ngò pvnmvn we bvnlì, à:ngò mòngkà bøn dvzvŕ mvyø we tvrà nvng dvtøp vdu we íe.

Tiqkvt kvt Gvray àngcè vyàng roqshú rì nø mònggvn tvrà taq vbam shìvm nø àngmaqò bvnlì tvnù mvnggá rì nvng vsvr vmwe gø yvng lún shìe. Wedø íwe dangrì svng gø dvdam dvtøp shìlvm wàì.
 
Wedø Gvray bvnlì riwe gvray vyàng roqshú rìnø mònggvn bvnlì rì dang vrvm taq vbamshì lvm nø kadøgø màdu we íe. Gvray bvnlì wawe vsvng tiqgø wawe nø wetvrà svng wa nøtløp shì lvm nø mvdøng vchyak we íe. Àngmaq nø gvray àngcè vyàng rérì svng roqgvr lvm vchyak we íe. Àngmaq nø gvray àngò dvsháza shóngnøt, mvkok nøt nvng zøng dø vl lún lvm dvzaqshì ràwe íe.