Làngshò zìlàngré svng Yesu àngí ègoì e

Làngshò zìlàngré svng Yesu àngí ègoì e

Làngré lvpat taq làngshò zìlàngré tiqgǿ ku vl lv́m Yesu kristu àngí egoì e wanø Svrabín koqkámpè Francis í dvkámwe íe.

Yesu Kristu nø shòlaré rì kaqsvng vlǿmá:m vrvm we làngrérì wáshì lv́m àngshóngshì we íe. Làngré lvpat taq vsvng dvpat vjúzinø̀ vpǿ ringwe vsvngrì ílv́m àng shóngshìwe íe. Làngré lvpat taq wedø vpǿ ringwe vsv̀ngrì vsv̀ngrì wáshì lv́m dvtú wegø íe.

Yesu Kristu gø shòlaqré rì kaqsvng tévtangwe nvng dvgùng vlwe bv̀nlì rì svng wàlv́m àng shóngshì we ínø̀ àngmaqò dvdam shø̀ngran nøtrì gø kadvgvp ínìgø vmvngvm we mǿí we dang dvkám we íe. Vsv̀ng lvpat taq jórlún lv́m àng danggvp 2 danggvp rà longe. 1 taq vháng vtang we tvnù manggá gv́l shìnø nònggwòn kùngà í we manggá svng tuqlún høq dvzaqshì ràwe ínø̀ dvgùng vlwe dangrì svng vto shàì nø vsvngrì dvpat vjú ziwe bv̀nlìrì taqkèní jór nònggwòn rì vtoshì lúnlv́m tvrà ni íe. 2 taq shølshú shvlá íwe Yesu Kristu vzø̀mnø̀ we tvrà taqkèní vtoshì shvla we gø íe. Yesu Kristu í nøngmaq kaqsvng nònggwòn kù:ngà rì èzíì e. wedø Yesu Kristu í tvrà èshøì we vdòng shvngø̀mré vdòng, vdè móng vdè rvgaq taq tiqgǿ taqkèní wa vdè tiqgǿ wa tvrà cheshì nø̀ dvzaqshì we mǿí dø shvngbe vzø̀mwe kù:ngà shaqí dvzaqshì lv́m dvkám wegø íe.

Dèni la battaq vdè tiqgǿwa vlwe, vsv̀ngrì nvng vtoq vtip we mvwáshì nø Social media mvdàmø wa vlín we gø mvwáshì lv́m shvdǿm we íe. Tiqgǿ wa zø̀mwacè èvl we nø vjúrøtshì lv́m wawe bángkà svng tánā lúne wawe gø v́l nø vl longe.

Yesu í zidòng 5 chyàng nvng ngā 2 go í vsvng 5000 gǿ svng shv-amò we nvmik gømla svng dvtan ráà nø dvsháza shóngnøt svng dvtanā we nvng svre nøtrì kèní gø vle lúnwe íe. Wedø zidòng mok 5 chyàng svng langwe shòlaqré rìdø dang vrv̀m taq apnúngshì we vsv̀ng bø̀n lv́m dvzaqshì ràwe dang shvdǿm wegø íe.