Lvngrérì nø shvngømréò nònggùn írvt zvn dvtut dvzaq dvkáng shìnøng.

Lvngrérì nø shvngømréò nònggùn írvt zvn dvtut dvzaq dvkáng shìnøng.

Shóngshøng we lvngrérìe...

Nàmaq nø mònggvn lvngré bóymè angni dvpvt dvlú dvgø' shaq ínø:ngè. Mònggvn lvngré
bóymè walám angni vshøm shvlá wa ràbø'ì.

Namaqò dòng nønt mvcøn taq kadø dvdvm nøng we svng ngàí dvdvm rø:ngòe. Bvnlì dang
mvíni paqzí cvnshì lvm dvpvt kadø bøn mvyø'werì svng dvsøp dvgø'shìnø:nge.

Mònggvn lvngré bóymè svng dì lúnlvm tvrà dvpvt zøm dang we pvn vrvm svng kadø lúnshì
høq walvm má. Wedø zøm dvng we dvrerì dvpvt enønt shìnø:nge. We mònggan lvngré
bóymè angni svng dilvm dvcøp dvgø' shì wenø gvza vnvp we yupnáng tiq pvn íe. Vkvt
dø bóymè angni taq vbáshì lún mvyø' we nønt svng yv:ngì nø dvdvm lvm waì.

Wedø dvzaq dvkáng shìnøng we nvng dvlú dvgø'shì we svng nònggùn zí mvyø'ng we íe.
Kadø íe wani mònggan lvngré bóymè angni taq kèní paqzí mvkrúm mvtup rìsvng gvza
lún dvzvr mvyø'ng we íe.

Nøngmaqò dòng nønt mvcøn taq kèní lámvyø we barimi rì, dvgá móngdàn kèní lvngrérì
nvng vhøm mv:ngù lúnshì rvt angmaqò mørshvm svng shøngrvn shìlvm ídaqe.

Werì nø nøngmaqò nvrøm vdùng taq dvdvm vtiqlvm ívm nø lvngrérì dvpvt nònggùn ívmè.
Wervt lvngrérì nø shvngømréò nònggùn gø írvt lvngrérì zvn dvtut dvzaq dvkáng shìlvm
waì wanø dvshvt we kà íe.