Mònggv̀n mòngzø̀l lv́m tvrà dvpvt vjúrøt dvzaqshì lv́m Svrabín koqkámpè taqkèní dvkám we

Mònggv̀n mòngzø̀l lv́m tvrà dvpvt vjúrøt dvzaqshì lv́m Svrabín koqkámpè taqkèní dvkám we

2024 nǿng January 14 ni kèní mònggv̀n mòngzø̀l lv́m tvrà dvpvt vjúrøt dvzaqshì lv́m Svrabín koqkám bǿà wegø íe.

Mònggv̀n dø̀ng taq mvjàn vkǿmwe shvrà rì v́l vduwe vnvm vchvngrì í shìwvtrì vhǿmò we tvrà svng dvdam lv́m wàì. Téwa Israel, Palestine nvng Ukraine móngdàn rì taq naqciqriq we bø̀n bǿì.

Ya nǿng nǿngshv́r kèní téwa shvla we tvrà svng tuqlún lv́m vjúrøt dvzaq shàì we dvhø̀ taq shvnvt mvzø rì kèní tasv̀ng vshvt kewe shìwvtrì vkǿn ráì.

Mvjàn wawe nø shvla we àng mvtú svng dvtøp we tvrà tiqlòng nø mǿí, téwa shìwvt rvmè svng tuq dvzv́r we nvng shvtìn we bv̀nlì tiqlòng ni íe. Ya tvrà rì nvng singnø̀ móngøp gv̀mzø̀rì taqkèní shvladø dvtøp lúnlv́m dvpvt vjúrøt dvzaq shàì.

Dvgá tiqdang kèní èyv̀:ngvtnò wekvt vsv̀ng kaya svng mvhøt dvzv́r we shìwvt tiqlòng ni íe. We dang svng síngshá ràlonge. Nøngmaq shvngbe taq cø̀msaq mòngzø̀l lòng rà vchvk á:mì. Wewa mvtaq mònggv̀n rvgaq yachv̀ng taq gø mòngzø̀l lòng v̀l lv́m laqni vchvk bǿì we íe.

#popemassages