Mònggv̀n taq nøngmaq cúnshà:ì wenø lvpat nv̀mlat mvpv́ng tiqlòng cèwa íe

Mònggv̀n taq nøngmaq cúnshà:ì wenø lvpat nv̀mlat mvpv́ng tiqlòng cèwa íe

Nøngmaqò lvpat nø kø̀mzøp lv́m dang sv̀ngwa dvda:mì nø rvtø̀ dvbé lv́m mø:í. Shìlòng wawe nø lvpat tvrà tiqlòng ínø̀ we shìlòng sv̀ng vle lúnlv́m dvpat ni íe.

Jø̀ng jǿng taq we nøngmaq ò tvnù mvnggárì nø rvgaq mvdàm taq mø:í, muqlàng taqlvp gvray àng puqpǿm taqni írà longe. Rvgaq mvdàm taqnø nøngmaq ò lvpat tvrà sv̀ng síngshá lúnlv́m cvn shàì we tiq shvrà cèwani íratnø̀ shìwvtrì dvhø̀ taq gvray àng jejú svng dvgùng shvring nø we shvrà taq shvlá wa døngjá lushàì taq só:rí shvlawe àngshí àngwvtrì vtoshì lúnlv́m dvzaqshì rà longe. Ya mònggv̀n rvgaq taq lvpat tvrà zaqlè diì wenø àng jejú tiqlòng gø íe.

Mvbǿn daq we mònggv̀n laqyà rì pvlàcè sv̀ng kratcǿm dvzv́r we laqyà rì sv̀ng gvsat vgám ràwe zaqlè tvrà tiqlòng ni íe. Mònggv̀n rvgaq yachàng mvdàm cúnshàì we rvtø̀ wawe nø vsv̀ng lvpat tiqlòng ò nv̀mlat mvpv́ng tiqlòng cèwa ni ínø̀ téwa kø̀mzøpwe lvpat sv̀ng èshøl:ì we íe. Gvray àng taqkèní wani kø̀mzøpwe lvpat sv̀ng lálúm lv́m íwe lvpat àngshv́r tiqlòng ni íe.