Nàmaqò dvshà mvhøt tvrà nø ngà dvpvt rvyù rvyúnglv́m tvrà íe

Nàmaqò dvshà mvhøt tvrà nø ngà dvpvt rvyù rvyúnglv́m tvrà íe

Nàmaqò dvshà mvhøt tvrà nø ngà dvpvt rvyù rvyúnglv́m tvrà íe

Svrabín koqkámpè Francis taqkèní Russia nvng Ukraine móngdàn ò mvjàn rvtø̀ 9 shvlá gøm lú:ngì we taq Ukraine móng vsv̀ngri kaq shvriwe karu taqkèní àngmaqò dvshà mvhøt lv́m tvrà svng nøtyòr we dang vru nø shvri bǿà wegø íe.

Namaqí nàlanø̀ngwe necì rì nvng ngà taqkèní gø wedøni necì vlā:ngòe. Ni vrvmò rvtø̀rì taq nàmaq dvpvt vjúrøt:nòe. Namaqí nàhǿm nøngwe mvhøtlv́m tvràrì shvngbe nø ngà dvpvt gø mvhøtlv́m tvràrì ni íe. Kàngpè Yesuí nø vtangshaq vlishìwe wurgáng svng baqò nø̀ mvhøt lv́m tvràrì sv̀ng vle lúnyv̀ngà wedøni namaqí gø wedøni mvhøtlv́m rvmè sv̀ng vle èrànøngwe sv̀ng ngà taqkèní yv̀ngòe.

Nàmaq shvngbe kaqsvng Gvray nvng Yesu àngmè Mari yv́ngkèní mvkokwe jejú svng gø vtoshì leqlún nøng. Mònggv̀n døng taq vlwe shvngø̀mré shølshú Svrado rì nvng ngà taqkèní gø nàmaq dvpvt Gvray kaq vjú røtāìe wanø shvrì kàru kèní vtoqshì bǿì wegø íe.

Wedø Svrabín koqkámpè Francis ò shvri kàru svng Vatican shv̀ngkà tvnùng dvpkèní Ukraine dvcì kà nvng Italy dvcì kà 2 pv̀ng kèní November 25 ni taq tvnùngvtnà wegø íe.

Welòng kàru taq Svrabín koqkámpè Francis taqkèní vlev́:mìwe March shvlá 25 ni taq Russia nvng Ukraine móngàn rìkaq sv̀ng Yesu àngmè Mari wur kaq ap bǿà wegø íe.

Svrabín koqkámpè Francis taqkèní vlev́:mìwe February Russia móngdàní gvsatwe mvjàn vdòngø vhǿ:mò we Ukraine móng dvcìcèrì dvpvt mònggv̀n vsv̀ng shvngbe ígø vjúrøtā lv́m dvkám wegø íe.

Svrabín koqkámpè Francis nø àngò shvri kàru dvpvt Ukraine móngdàn Lviv Svradopè Mieczyslaw Mokrzycki, Svrado Jan Sobilo, Svrado shvnvp Kharkiv-Zaporizhia maqnvng tiq lvbán døp vhøm dá:ngí mvsat wur mv́r shvmvrshì bǿì wegø íe.

Svrabín koqkámpè Francis àngò shvri kàru taq Holodomor wawe vsv̀ng dvcì dvdat we mvrà (1932-1933) nǿng dung taq bø̀n yv̀ngì we Ukraine dvcìrì Russia móng vsv̀ng tiqgǿ ratnø dvkøq wàng vkǿn dvzv́r weí vsv̀ng loksok shìwe vhǿm yv̀ngà we dangsv̀ng gø tvnùng bǿà wegø íe.

We rvtø̀ taqgø Ukraine móng dvcèrì nø nøt datwe mv-vl nø welòng svng vle lún yv̀ngà wegø íe. Weratnø àngmaq kaqsvng shvre dvcìrì wanø vpǿ shvring wegø íe. Àngmaq nø kámnøt tvrà taq, mvhøt lv́m shìwvtrì àngpv̀n pv̀n taqgø nøt dvzaqshì nø vle lúnò we dvcì tiq dvcì gø íe.

Weratnø̀ Svrabín koqkámpè àng dvtut shø̀nwe taq ngà tiqgǿ taqkèní àngmaq dvpvt zv̀n dvtut vjúrøt dvbangā we nvng àngmaq kaqsv̀ng tubùm dvbangā we àngmaq nvng tiqdø ripwe wáshì lv́m íwe dang vtàn lú:ngà wegø íe.  

Add new comment

11 + 3 =