Nøngmaqò dùngnønt svng kàngpè Yesuí vlíng dvzvr ìnìmá?

Nøngmaqò dùngnønt svng kàngpè Yesuí vlíng dvzvr ìnìmá?

Ya tvrà nvng sing nø shønlvm íe.

Vsvng tiqgø'gø'í ngà nø shvla we dang svng wa wà:ngò rvt vsvng shvla ø:ngàe, mvrà gvba tiqpvn gø màvlé
ngò, wedø shøn gø'nø vdè nø vdè shøn mvrà dø kømzup e, wawe írvt jòwe dang nø mví.

Ya tvrà dang taq kèní na svng kømzup nø ding mvn we vsvng íe wanø shøn mvlúnshì. Yalòng nø naò elvnshi
nø dèshv́ngshì we dang írvt Catholic shvngømré vsvng tiqgø' í, cvn we dang mví mvdvmø cvndvgøm we dang
màvlwe Catholic shvngømré vsvng tiqgø' gø, mángshèr vpø'we Catholic shvngømré vsvng gø ílvm màpø.

Catholic shvngømré vsvng ding nìnø kàngpè Yesu svng dùng nønt mvsøn taq kèní vtōò nø nønt mángshèr
weí vlíng vpo nø cúnshì we vsvng íràe. Nøngmaq dvpat Kàngpè Yesu nø kàgø' íemá.

Kàngpè Yesu Kristu svng nøngmaqò nønt mvsøn vdúng taq góng dvzvr bø'àmá, Vrá kàngpè Yesu Kristu svng
nøt mvcøn vdúng svng mvgòng lvm dø vtù vgám bø'à má. Nøngmaqò nønt mvsøn vdúng taq kàngpè Yesu
Kristu svng rvtø zí shìnø øp káng dvzvr shìemá dvdvm vjáng lvm wàì.