Ngáí kadø dvbù shvngkà dvshv:ngòn nøngmá

“ Ngáí kadø dvbù shvngkà dvshv:ngòn nøngmá ”

Gvza yatnø dvshà we rvtø taq dvbù shvngkà dvshvnglvm bø'n mvdaq wanø dvdvmshì we rvtø taq
nøngmaqí battut vsø'mzi we mvídø rvsángcèrìò lvpvt taq mvdøng vchvk íwe dvbù shvngkà svng
dvshvnglvm waì.

Yādang nø rvsángcèrìò cvnrà we tvrà tiq dang íe. "Ngàí dvbù shvngkà svng kadø dvshv:ngò nøngmá"
wa nøngmaqí dvdvmì we íe. Àngdèò àngdè kadø gø bø'n mvdaq wa dvdvmì we íninø bøngtē we
shvnshér vsvngrìò lvpvt mvshøl svng yvnglvm waì. Wedø ínigø nøngmaqò cv'm vtvng íwe chøm
døngkū nvng rvmnvng rvmboqrìsvng nvmlvt pv'ngshì nø dvbù shvngkà dvshvnglvm waì.

Nøntløm dvbù we nvnggùn gù:ngà dànzøng we nvrøm taq kèní kàngpè Yesuò tvrà dang svng
dvshvnglvm waì. Shvnshér Pvlàcè gvrayò nvnggùn taq kèní wa dvbù shvngkà svng dvshvng
lúnshìe.

"Shvnshér Pvlàcè Gvray lāshì daqwe bóy ni" svng vtoshì lúnlvm nøngmaq vdè nø vdè dvgø'
shìlvm waì.

Shvnshér Pvlàcè Gvray yvngsvng dvbù shvngkà dvshvng lúnlvm nvnggùn ku:ngà røtshàì nìwa
kàngpè Yesuò dvbù shvngkà svng dvshvng lúnlvm íe.