October 10 ni shvngømré lìpùngmè taq pvlàcè dang nøt dvtøp shì lvm vchyak dang Svrabín koqkámpè Francis taq kèní dvkám we

October 10 ni shvngømré lìpùngmè taq pvlàcè dang nøt dvtøp shì lvm vchyak dang Svrabín koqkámpè Francis taq kèní dvkám we íe.

Ya Svrado àngké mvdò rìò lìpùngmè nø Pvlàcè dang nvng shvngømré ò bvnlì dvlàrì svng vrá cvn dvtøp we ínø yalòng nø gvray tvrà svng cvn dvgøm we gø íe wae.

We lìpùngmè mvpvng vjúrøt tìyø taq Hebrew 4:12 Gvray Mòngkà nø cúnshì nø, nònggùn jòr dø dvzaqshì we, vní laplap shvmcí rvt we shv̀m mvdv̀m déò nø, dòngnøt mvsø̀n* nvng pvlàcè svng gø, shārø angciq nvng ang mvcì svng gø puq vrà:lò høq déò nø, nø:tní dvda:mòrì nvng gvcvt vjø:nòrì svng gø rvwv̄n vwál ngu:tnòe. Wawe jømciq svng mvngu shì nø nvnggùn ziwe gø íe.

Yalòng jømciq yáng kèní nøng maq svng gálòng svng dvtanā nø we lìpùngmè dvpat gø tvrà shølā we íe.

Yalòng lìpùngmè taq nø dvgá móng lvmang dangrì mø:í dø pvlàcè chutcháng we tvrà svng manggá wáshì wegø íe.

We lìpùngmè rvtø shvngbe nø Yesu Kristu í mvgàmpè svng goò wedø màshvla we vyàng roqshú rìò laqyà kèní yvlshì lúnlvm dvpat gø íe. Zvnvtut àngí nvnggùn ziwe taq gvray í nøngmaq svng kadø kàshønwe, kàdø cúnshì dvzvŕ mvyø we warì svng dvtøp shì ràwe dang shvdøm nø dvkám we íe.