October shvla taq Svrabín koqkámpè Francis taq kèní dvkám we vjúrøt dvzaqshì ràwe manggá nø rvcángcè rì gø vrvm nø dvbùshvng bvnlì wawe vsvngrì bønlún lvm dvpat íe wawe

October shvla taq Svrabín koqkámpè Francis taq kèní dvkám we vjúrøt dvzaqshì ràwe manggá nø rvcángcè rì gø vrvm nø dvbùshvng bvnlì wawe vsvngrì bønlún lvm dvpat íe wawe
 
Dvbùshvng bvnlì wawe dvzvŕ rì ílún lvm dvgø shìshaq íbøì má wanø kàngpè yesu í nøngmaq shvngbe svng èrøt:nì we íe. Gvray àngí ègo:ì we kàsvng táì nø ni vrvm ò tvmø bvnlìrì taq gø àng nvng vzømì.

Nøngmaq nvng singwe ni vrvm ò bvnlì rì taqgø shvnshér pvlàcè í tvrà shølā lvm vkáng zílvm wàì.  Wedø Yesu nvng vtoq vtip we, àngnvng vzøm nø dang vrvm taq ècúnshì we ínìnø tiqdá vsvng rì ígø shvring we svng vtoshì lúnlvm ílonge.

Tiqdá vsvng rì kaq gø shvkse wáshì nø dvbùshvng mòngkà svng vrìng lvm wáshàì.

Làngdøm taq Svrabín koqkámpè Francis í nvnggùn ziwe taq shóngshøng we vnvm vchang rì uesu bøng vdòng taq kèní tìløp lún bøshà we rvcángcèrì shvngbe nø dvbùshvng mòngkà dvshvng we bvnlì taq gvray shvnshér kàru svng shvkse gvl:ì nø rvtø zíshàì só:í vjúrøt gø dvzaq shàì wanø dvkám we íe.