Rvcángcèrì ò shvnglutwe lvpat tvrà dang Svrabín koqkámpè Francis í shvngøt dvtú we

Rvcángcèrì ò shvnglutwe lvpat tvrà dang Svrabín koqkámpè Francis í shvngøt dvtú we

Tìløp kám shàì we yvngkèní vtoshì lún:ì we lvpat àngshvr nø  nøngmaq svng kàngpè gvray ò àngcø àngcèrì bøn dèzvr:ì nø mvrà nvng shìlòng ò vshuq lvpat kèní shèlut nìe. Ínìgø we vko vkángrì tawa cvnlvm mø:í tvsvng tubùm dvbangā kéràe wanø dvtú we íe.

Svrabín koqkámpè Francis í dvtut dvkám we taq yadø yóga dvjáng vkøn we rvtø taq kàngpè yesuò dvsháza shóngnøt tvrà svng cvnlvm wàì.

Shóngshøngwe vnvmchvngrì Peter í Galilee vsvngrì kaq svng vruò we kàru taqgø vkvt nøngmaqnø Yesuí ègoì we shvnglut we vkángrì svng gø dvdamshì ràwe íe.

Tìløp kám shàì we yvngkèní vtoshì lún:ì we lvpat àngshvr nø  nøngmaq svng kàngpè gvray ò àngcø àngcèrì bøn dèzvr:ì nø mvrà nvng shìlòng ò vshuq lvpat kèní shèlut nìe.

Dvshá mvhoq vsvngrì kaq dvsháza shóngnøt í tubùm dvbangā we nø nøngmaq vpè Gvray àng mvrdàng taq àngshì àngwvt shvlá rì zílúnì we íe wanø dvzvŕ Polo í vtàn yàngà.
Kàngpè yesu í nøng maq svng àng lvpat shi mvzí shìwe làngdøm dørø vmoà vmpbóy taq dvzvŕ rìò hí zvl:āò nø shvngøt yàngà.

Rvcángcèrì ò shvnglutwe lvpat nø mvdøng vchyak nø vl ràwe tiqdang íe. Íwe yadø yóga dvjáng vkøn we rvtø taq we dangrì taq vnøn dvzvŕ lúngà.
 
Ínìgø kristu ò shóngnøt vdòng taq dvsháza shóngnøt rì shvzat lúnlvm dvbang kéì. Shvngbe mvdàm gvray mòngzøl lòng laqtuq daq wanø Svrabín koqkámpè Francis taq kèní dvtú we íe.