Sasvna bvnlì wawe nø Gvray Gvsangò shóngnøt svng dvtvn lvm zø'mdàngrì íe.

Sasvna bvnlì wawe nø Gvray Gvsangò shóngnøt svng dvtvn lvm zø'mdàngrì íe.

Sasvna taq dvzaq shìrì mvdvmø kàngpè Yesuò St. Treza í, mvkoq ngòrì nø vrúm vsvr móng svng diwe mvtaq, dvgá wángza
rìò kà svng shvngøtshì cvnshì nø Gvray dvbù shvngkà nvng bvnlì shvlárìbwaò nø dvzaq shìwe íe.

Weri mvdvm dadvnabyuq sasvna bvnlì wawe nø Gvraò shóngnøt svng dvtvn shìlvm zømdvng vdóngdokàn rì íshàì nø vdè dè
vlwe shvrarì taq ap núng shàì nø vjúrøt dvbv:ngì we taq kèní tiq dvtvng kàngpè Yesu kristu vlwe svng dvtv:ni we íe.

Yari nø gvza mvdaq we coqsvnrì wewa mvtaq mvdøng mvdaq rvsángcè ídvzvr we, gúng dvzvr we dang mví, nøntlúm nøntløm
dvzvr we dang íe wanø nøngmaqí dvdvm ràe. Kámnøt tvrà wawe nø nøntlúm we dang taq kèní pvng shìwe íe.

Tiqgø' gø'í mvdøng mvdaq góng dvzvr nø rvsángcè tiq gø' íráì we mví. Wedø ínigø shúngnønt nvng vhø'mò rvtnø rvsángcè
tiqgø íráì we íe.

Sasvna mè taq kèní nøngmaq svng tiqkvt kvt nøntlúm lvm dø mví we dvrá rì nvng dvtúshì we rì svng wa vchvk mvdøng
mvsònshì nø st.Treza dø shóngnøt taq kèní nøntlúm dvzvr ìnø Gvray Gvsang lvp tvrà shølshúrì wáshì lvm waì.