Shòlaqré rì nø shvngø̀mré dvpvt vlǿmrà íwe 

Shòlaqré rì nø shvngø̀mré dvpvt vlǿmrà íwe 

Svrabín koqkámpè taqkèní 5 boq wa boq "Apostolic Exhortation" tvyø taq shòlaqré rì svng "Vsv̀ng shvngbe Yesu Kristu vdòng taq dvbù nøt í vzø̀m vzvp lv́m tvrà svng svkse dvtan wedø" àngamq ò kàshaqrì svng táā lv́m dvpvt go nø̀  vring we íe.

Svrabín koqkámpè Francis taqkèní vle á:mìwe 2018 ò Synod lìpùngmè taq làngré rì svng " Kámnøt tvrà taq dvbùshvng bv̀nlì" (Faith and vocational discernment) wawe svng síngshá lv́m nvng singnø vring kàru dvtú bǿà wegø íe. 5 boq wa boq "Apostolic Exhotation" wawe shòlaqré rìò lìpùngmè taq "Certainty" wawe "Cúnshìwe Kàngpè Yesu nø nøngmaq àngyv́ng svng mvngushàì lòng svng shóngshì we tvrà" svng vtàn bǿà we íe.

Àngtaqkèní dvtú we mòngkà taq "shìwvt rvmè vkǿn we mònggv̀n yachyv̀ng mvdàm taq svre nøt rìnvng nøt dvbumshì we shòlaqré rì dvpvt nøt lø̀m lv́m mòngkà laqí dvr wanø̀ vrìng wegø íe. Àngnvng tiqdø shòlaqré rì vzø̀m nø Gvray dvbùshvng mòngkà dvshvng lv́m go we vrìng kàru svng gø dvshvr bǿà we íe.

Nøngmaq nø Gvray vdòng taq vzø̀m vzvpmìwe taqkèní vtoshàìwe dvbù lv́m tvrà rì svng tiqdá vsv̀ngrì kaq vrá svkse wáshì lv́m, dvtit tvleā lv́m nø dvbùlv́m tvrà Sasvna tvrà ni íe wanø shvdǿm wegø íe.

Svrabín koqkámpè taqkèní shvdǿmwe taq shvngø̀mré mè nø Gvray shóngshì we tvrà svng cvn dvgøm we, àng nvng vtoq vtip we nvng shvlá wa nøtcun dvtøp weí vzv̀ng lvp svng diwe tvrà svng shóngshìe "Christus vivit" wawe kèní nònggwòn ziwe gø íe.

Chvpdvp Sasvna bv̀nlì taq tvrà àngshv́r rì tóng dvzaq shàì nø téwa ngv̀ngdøngwe kámnøt tvrà rì svng vrang dvzaq shàì wanø nònggwòn ziwe mòngkà kèní dvtú bǿà wegø íe. "Shòlaqré rì nàmaq nø shvngø̀mré dvpvt cúnshì we nøt vlǿmrà èínønge wanø vtàn bǿà we íe.Svrabín koqkámpè àngò mòngkà svng "Yesu Kristu shìlòng kèní zun lú:ngì we vtang kèní dvbù lv́m tvrà taq kámnøt rì téwa shvdøng shvngv́ng shìlv́m vrìng bǿà wegø íe.