Shiqshàn we tòniò mònggvn dvjà svng lúnlvm dvpat nø vsvngrì tiqgø vrvm ò vko vkáng ni íe wawe

Shiqshàn we tòniò mònggvn dvjà svng lúnlvm dvpat nø vsvngrì tiqgø vrvm ò vko vkáng ni íe wawe

Svrabín koqkámpè Francis nø Europe Council kaq svng shiqshàn we tòniò mònggvn dvjà svng lúnlvm dvpat nø vsvngrì tiqgø vrvm ò vko vkáng ni íe wanø dvkám we tiq rvtø taq ni kà taqkèní wa mø:í nø chvpdap bvnlì taqkèní gø nøngmaq mvngu shàì we mònggvn svng roqgvr lvm dvkám we íe.
Ya dvkám kà nø tòniò mònggvn dvjà svng roqgvr we nvng, svngpvn vko vkáng dang vrá shìlvm lìpùngmè dvpat lvpkà tiqlòng gø íe wae. We lìpùng mè svng COP26 wa tøshì we mònggvn làngcha vlíng vpo we tvrà dang paqzí zíshú mvdò í shølnø wáshì we gø íe.

Mònggvn lvngcha vkvtshì ráì we dang nvng singnø lìpùngmè wàlvm dvgø shì we gø íe. Welòng lìpùngmè taqnø tòniò dvjà svng roqgvr lvm nvng svngpvn vko vkángrì dvpat vra shìlvm íe wae. Vsvngrì tiqgø vrvm nø shiqshàn dø vl lúnlvm, shømløm lòng taq vl lúnlvm nvng tòni ò mònggvn dvjà svng roqgvr lún lvm vkángrì dvpat wanø kà vgo rì vdòng taq vra nø mvngushì lvm íwe svng shálún shìe. We lìpùngmè svng 2021 nøng October 20-30 ni høq Strasburg taq wàlvm íe wae.

Yalòng lìpùngmè dvpat Svrabín koqkámpè Francis taq kèní mònggvn svng shvlá vtang dvcøp shvnvp lún lvm dvpat wanø dvdam shìwe taqkèní dvtú nø dvkám bøà we íe.