Shvngø̀mré nø vsv̀ng gǿ vrv̀m ò kà shaqrì svng táā nø shvngbe svng vto ràe wawe

Shvngø̀mré nø vsv̀ng gǿ vrv̀m ò kà shaqrì svng táā nø shvngbe svng vto ràe wawe

Shvngø̀mré nø vsv̀ng gǿ vrv̀m ò kà shaqrì svng táā nø shvngbe svng vto ràe wanø Svrabín koqkámpè Francis taqkèní Lisbon myuq taq shìwà vsv̀ngrì kaq dvkám bǿà wegø íe. Mvrà vlwe vsv̀ngrì nvng mvrà shèrwe vsv̀ngrì wanø rvwìng lv́m mv-vl shvngbe nø tiqrá ni íwe dang shvngø̀mré vsv̀ngrì, shvrúng shúrì, dvzømshú rì shvngø̀mré vsv̀ngrì shvngbe kaqsvng dvtú we íe.

Coqcánrì nø Kàngpè Yesu í àngmaq svng gowe rvtø̀ taq àngmaq nø nga vkwi we vsv̀ngrì ínø àngmaqò nga vkwi we tvrà nø pvlàcè dang dvpvt vhúng íwe dang síngshá shì bǿì weó chàng Yesu Kristu mèpvng cv̀n ráì wegø íwe dang dvkám we íe.

Mvdøng we mònggv̀n tvrà rì dvpvt nøt datlv́m tvrà mv-vl we dang nvng kámnøt, shø̀ngran rì gø màmáng lv́m dang dvkám we íe. Svrabín koqkámpè taqkèní nøngmaq í vhǿm sháì we yvklv́m tvrà rì, mvdøngwe tvrà rì, màshvla we dangrì kèní tvrà shøl we dangrì svng gø vtàn bǿà we íe.

Simon nvng dvgá nga vkwi vsv̀ngrì døni mvjòr nø̀ mvhøt lv́m tvrà rì vhǿmshì rawe rvtø̀ rì gø vl longe. Vdè góng vdè cipshì we nøt mvsø̀n kèní nøt mvsø̀n shèr wedø v́l ràwe dang, dvshà mvhøt vhǿmò we vsv̀ngrì kaq dvsházaā we nvng àngmaqò kà shaqrì svng táā we, dvcì, vsv̀ng zìdang rvwìng we mvwà lv́m, àngmaq ò vlevm we rvtø̀ rì taq vlé shìvm we mvrà rì svng vchàngwe bv̀nlì rì mvwà lv́m dang dvkám wegø íe.

Gvray dvbùshv̀ng bv̀nlì wawe shvrúngshú pè Antonio Vieira shø̀n we taq “to be born is to be in Portugal and to die is to die in the wide world out there” wawe kà shvbóng kèní gø dvtú bǿà. Vrá nø St. John de Brito ò lvpat mvshǿl taq gø àngnø vleá:mì we àngyá mvzuq nǿng rì taq àngkaq svng India móngdàn svng Gvray dvbùshvng mòngkà dvshvng lv́m shø̀chø̀m kèní búng yv̀:ngì. Àngnø we móngò vtóng, gónggwá rì nvng vdu vbóng dø vl nø we móngò dvcì kà shø̀nwe tiqgǿ gø íyv̀:ngì. Wedø ínø̀ wa wemóng dvcì cèrì nvng tiqnøt tiqmvyùng ívm nø Gvray dvbùshvng mòngkà svng vto shìe wanø dvtú ráà we íe.

Dvzv́r Peter shø̀n yv̀:ngì we taq nøngmaq shvngbe nø lvpat cún shàì we lóng dø̀ngrì íshàe wawe kà taqkèní Gvray dvbùshvng mòngkà svng téwa gwaq lúnlv́m dang wá dvzaqshì ràwe dang Gvray bv̀nlì dvpvt vsv̀ngrì svng vkwi we vsv̀ngrì wáshì lv́m dvkám nø̀ nònggwòn ziwe íe.

Shvngø̀mré nø vsv̀ng gǿ vrv̀m ò kà shaqrì svng táā nø shvngbe svng vto ràe wawe

Shvngø̀mré nø vsv̀ng gǿ vrv̀m ò kà shaqrì svng táā nø shvngbe svng vto ràe wanø Svrabín koqkámpè Francis taqkèní Lisbon myuq taq shìwà vsv̀ngrì kaq dvkám bǿà wegø íe. Mvrà vlwe vsv̀ngrì nvng mvrà shèrwe vsv̀ngrì wanø rvwìng lv́m mv-vl shvngbe nø tiqrá ni íwe dang shvngø̀mré vsv̀ngrì, shvrúng shúrì, dvzømshú rì shvngø̀mré vsv̀ngrì shvngbe kaqsvng dvtú we íe.

Coqcánrì nø Kàngpè Yesu í àngmaq svng gowe rvtø̀ taq àngmaq nø nga vkwi we vsv̀ngrì ínø àngmaqò nga vkwi we tvrà nø pvlàcè dang dvpvt vhúng íwe dang síngshá shì bǿì weó chàng Yesu Kristu mèpvng cv̀n ráì wegø íwe dang dvkám we íe.

Mvdøng we mònggv̀n tvrà rì dvpvt nøt datlv́m tvrà mv-vl we dang nvng kámnøt, shø̀ngran rì gø màmáng lv́m dang dvkám we íe. Svrabín koqkámpè taqkèní nøngmaq í vhǿm sháì we yvklv́m tvrà rì, mvdøngwe tvrà rì, màshvla we dangrì kèní tvrà shøl we dangrì svng gø vtàn bǿà we íe.

Simon nvng dvgá nga vkwi vsv̀ngrì døni mvjòr nø̀ mvhøt lv́m tvrà rì vhǿmshì rawe rvtø̀ rì gø vl longe. Vdè góng vdè cipshì we nøt mvsø̀n kèní nøt mvsø̀n shèr wedø v́l ràwe dang, dvshà mvhøt vhǿmò we vsv̀ngrì kaq dvsházaā we nvng àngmaqò kà shaqrì svng táā we, dvcì, vsv̀ng zìdang rvwìng we mvwà lv́m, àngmaq ò vlevm we rvtø̀ rì taq vlé shìvm we mvrà rì svng vchàngwe bv̀nlì rì mvwà lv́m dang dvkám wegø íe.

Gvray dvbùshv̀ng bv̀nlì wawe shvrúngshú pè Antonio Vieira shø̀n we taq “to be born is to be in Portugal and to die is to die in the wide world out there” wawe kà shvbóng kèní gø dvtú bǿà. Vrá nø St. John de Brito ò lvpat mvshǿl taq gø àngnø vleá:mì we àngyá mvzuq nǿng rì taq àngkaq svng India móngdàn svng Gvray dvbùshvng mòngkà dvshvng lv́m shø̀chø̀m kèní búng yv̀:ngì. Àngnø we móngò vtóng, gónggwá rì nvng vdu vbóng dø vl nø we móngò dvcì kà shø̀nwe tiqgǿ gø íyv̀:ngì. Wedø ínø̀ wa wemóng dvcì cèrì nvng tiqnøt tiqmvyùng ívm nø Gvray dvbùshvng mòngkà svng vto shìe wanø dvtú ráà we íe.

Dvzv́r Peter shø̀n yv̀:ngì we taq nøngmaq shvngbe nø lvpat cún shàì we lóng dø̀ngrì íshàe wawe kà taqkèní Gvray dvbùshvng mòngkà svng téwa gwaq lúnlv́m dang wá dvzaqshì ràwe dang Gvray bv̀nlì dvpvt vsv̀ngrì svng vkwi we vsv̀ngrì wáshì lv́m dvkám nø̀ nònggwòn ziwe íe.