Shvngø̀mré vdòng svng mvdø̀ng mvdaq góng dvzv́r we yv́ngkèní we shvngø̀mré mvdò kaqsv̀ng vháng dvzv́r mvlú:nò 

Shvngø̀mré vdòng svng mvdø̀ng mvdaq góng dvzv́r we yv́ngkèní we shvngø̀mré mvdò kaqsv̀ng vháng dvzv́r mvlú:nò 
Shvngø̀mré vdòng svng mvdø̀ng mvdaq góng dvzv́r we yv́ngkèní we shvngø̀mré mvdò kaqsv̀ng vháng dvzv́r mvlú:nò wanø̀ svrabín koqkámpè Francis taqkèní dvtú bǿà. Svrabín koqkámpè Francis í yakà kà dvtú we nø mv-vl bǿì we Svrabín koqkámpè Benedict XVI ò lvpkà kèní dvtú wegø íe. Svrabín koqkámpè Francis nø 2023 nøng shvngø̀mré vsv̀ngrì nvng vhøm we rvtø̀ taq shvngøt dvtú wegø íe. 
Vle bǿì we nǿng vdòng taqnø shvngø̀mré vsv̀ngrì kaq svng Discernment wawe kà vgo vdòng kèní shvngøt dvtú we ínø yanǿng vdòng ò kà vgo nø Evangelization wawe Gvray dvbù shvng mòngkà vsher lv́m wawe kà vgo kèní dvkám nø dvtú wegø íe. Yalòng nø shvngø̀mré mè dvpvt vtang kèní vchvkwe bv̀nlì tiqdang íwe dang dvtúwe gø íe. Yadang sv̀ng wá mà dvzaqshì we ínìnø shvngø̀mré mè ò bv̀nlì dvlàrì nø vshø̀ng màshǿng ni ívmwe dang dvkámnø dvtúwe gø íe. 
Gvray dvbùshv̀ng mòngkà sv̀ng dvshvngwe bv̀nlì taq màdvzaqshì shaq shvngø̀mré tiqlòng vháng vlún lv́m wawe nø kadø gø mvbǿndaq long. 
Svrabín koqkámpè Benedict XVI í shø̀nráà wedø ni shvngø̀mrémè taqkèní nø vsv̀ngrì kaq mvdø̀ng mvdaq shvngø̀mré sv̀ng gòng lv́m dvdut we wáshì lv́m mv-vl long. Ínìgø shvngø̀mré mè ò dvrámè rì svng vsv̀ngrì taqkèní vpǿ lv́mdø mv̀ngnø wá dvzaq, cv̀ndøng dvzaqshì lv́m dvkámwe gø íe. Yadang nvng singnø̀ Svrabín koqkámpè Benedict XVI í 2007 nǿng Latin America móng nvng Garebian svrado àngké mvdò ò (5) boq wa boq lìpùngmè taq dvtú nø dvkám ráà wegø íe. 
Vrá tiqkvt Svrabín koqkámpè Francis taqkèní dvkámwe taq Shvngø̀mré vdòng svng mvdø̀ng mvdaq góng dvzv́r we mvwá shìlv́m nvng wedø wáshì we yv́ngkèní rvcángcè lvpvt svng tuqrawe vsv̀ng nø rvcángcè vjø̀ng wanø shǿn mvlúngshì wedang dvkám wegø íe. 
Pàwálv́m wani àngmaq ò nøt mvsø̀n vdòng taq Gvray kaq svng kám noqshì nøt mvzang longwe svng shvdǿm we íe.