Shvnglutwe taqwa dvsháza shóngnøt svng dvtanā lúnwe íe

Shvnglutwe taqwa dvsháza shóngnøt svng dvtanā lúnwe íe

Shvnglutwe taqwa dvsháza shóngnøt svng dvtanā lúnwe íe

Nøngmaq dvpvt kapànø jøng jøngni shvla emá walòng svng Gvray í sháò e.

 
Vdè tiqgǿ taqkèní wa wáshìwe nø shvlawe tvràò ngànshà ínø̀ shóngnøt svng gø gvyaq dvzv́r sháò we íe. 

Nøngmaq shvnvng gùr gùr rìtaq wekvt kvt tálúnshì we shvnip shvnvr kewe tvràrì nø tiqdá vsv̀ngrì ò shóngnøt rì sv̀ng vdè tiqgǿ kèní wa lún mvyǿwe nøt mvsø̀nrì rat wedø mvhøt lv́mrì svng bung dvzv́r wegø íe.

 
Shømløm tvrà svng wa lawe yv́ngkèní shvnglut lv́m tvrà svng gø gvyaq dvzv́r sháò we ínø̀ mvhøt lv́m shìwvtrì bung dvzv́r sháò wegø íe. 

Nøngmaq vdè tiqgǿ nø tiqgǿ ò shvnglut we nøt mvsø̀n rì yv́ng kèní wa dvsháza shóngnøt svng gø dvtanā lúnwe íe. Weratnø̀ Gvrayí nøngmaq kaqsvng shvnglut we vsvngrì ku epv́n èmv́n ráshà we íe. 

Wedangrì yv́ngkèní Gvray kaqsvng vtiqshì sháì we gø ílòng svng dvtøp shìràwe gø íe.

Add new comment

7 + 1 =