Svrabín koqkámpè Francis í tìnúng mvshé rvgaq kèní Belarus svng vsélshì bøì we vsvngrì dvpat vjúrøā we

Svrabín koqkámpè Francis í tìnúng mvshé rvgaq kèní Belarus svng vsélshì bøì we vsvngrì dvpat vjúrøā we

Svrabín koqkámpè Francis nø vle vmì we lvbán ni St. Peter noqngøm tøm taqø mònggvn shvrà vrvm kèní shvngømré rì nvng àngdèò lvpat tvrà téwa vháng vlún lvm dvpat àngdèò móng svng gvl:ò nø wángzà rvgaq svng vsélshì vsvngrì dvpat vjúrøā bøà we íe.

Svrabín koqkámpè í tvnùng ò we taq wedø lvpat tvrà vháng vlún lvm dvpat lvpat rì zíshìwe høqshaq dvzaq dvkángshì we tvrà taq nøt yùllvm tvràrì gvzàni bønwe svng yáng shìe. Wedø shøtvráí yvmbvn bàn rawe tvrà taq vsvngrì lvpat zíshì ràbøwe gvzà vlbøwe ínø werì taq cvmrérì gø vbáwe íe. Téwa wedø yvmban tvrà taqø vsvngrì shvdaq nvmvm we dvki vrè we vhøm ò vsvngrì vlwe svng yánglún shìwe írat gvzàni nøt yùl lvm vlwe íe.
 
Weratnø Svrabín koqkámpè í wedø mvhøt lvm vhøm ò vsvngrì dvpat vjúrøā dvbang wegø íe.

Lvpat tvrà  shvlá lúnlvm dvpat dvzaqshì we tvrà taq téwa mvhøt lvm vhøm ò we vsvngrì vllwe svng dvda:mì nø àngmaq dvpat vjú røtā lvm wàì wanø tvnùng ò we íe.