Svrabín koqkámpè Francis nø Ukraine móngdàn nvng sing nø Russia Octhadox shvngømré shølshú vgorì nvng vhøm nø dvmvnwe

Svrabín koqkámpè Francis nø Ukraine móngdàn nvng sing nø Russia Octhadox shvngømré shølshú vgorì nvng vhøm nø dvmvnwe

Svrabín koqkámpè Francis nø Ukraine móngdàn nvng sing nø Russia Octhadox shvngømré shølshú vgorì nvng vhøm nø dvmvnwe

Svrabín koqkámpè Francis nø vle vmì we March 16 ni taq Ukraine móngdàn nvng sing nø Moscow Russia Octhadox shvngømré shølshú vgo íwe Kirill nvng vtoqshì nø dvmvnwe we wà bøà. Yadang nvng singnø Octhadox shvngømré kèní nvng gø Vatican shvngkà kèní gø tvnùng bøà.

Wedø dvmvnwe taq mvdøng nø Russia nvng Ukraine móngdàn dvhø shvrvm shvrá lvm nø shvngømré rì dang kèní gø tvrà tóng dvzaq shì ràwe dang dvmvn bøì we íe. We lìpùng nvng singnø Svrabín koqkámpè Francis taq kèní Octhadox shvngømré shølshú vgo rì svng gø oqà wawe nvng móng lvmvng tvrà taqgø Yesu ò chutchángwe dvsháza shóngnøt vdòng taqkèní tvrà tánā kelvm nvng shvngbe nø 3 gø tiqgóng gvray kaq vlømshì nø vzøm lvm dang vtàn bøà we íe. 

Mòngzøl we tvrà svng tò:ngì we rvtø taq tvsvng màrvwìng weí vzøm vzvp vrvm vrá lvm vchyak we dang dvtú we gø íe. Mvjàn vdòng taq mvhøt lvm shìwvtrì vhøm:ò vsvngrì kaq tubùm dvbangā lvm wàì. Tasvng vwvp kewe mvjàn svng cvn cvn nvrlvm dvtú we nvng cømsaq mòngzøl lvm tvrà svng tuqlún lvm dvkángshì ràwe dang nvngòn ziwe íe. Móng vsvngrì shvngbe taqkèní nø we mvjàn svng tubùmwe, nvngòn ziwe mvwáshì lvm dvkám we íe.

Vní lvp kèní mvjà taq cømbøì we cèl cèrì shvngbe gø móng vsvngrì wa ínø àngmaq shvngbe svng gø gvray yvngkèní nøt shvlømwe jejú vtoshì lúnlvm vjú røt dvbangā lvm wàì. Vzvng kaq shvngømré rì vdòng taq gø yadø mvjànrì bung yà:ngì we ínø kadø íwe mvjàn svng ínìgø dvrá we mvjàn íe wanø shøn mvlúnshì we dang shvdøm nø nvnggùn ziwe íe.
 
Yadø mvjànrì taq lvpat zíshì bøwe vsvngrì tiqgø vrvm nø gvray àngò àngcø àngcèrì wa ínø ngámshì we chøm vsvngrì shvngbe nø welòng taq nøt dvshà we vhøm:ò vsvngrì wa ílonge. Nøngmaq svng vrvm vrá dvzvŕ we shvnshér pvlàcè nø nøngmaq kaq dvshà mvhøt vsvngrì svng dvbangā kelvm shóngshìe.

Russia Octhadox shvngømré shvngkà dvp kèní gø Svrabín koqkámpè Francis nvng Ukraine móngdàn nvng sing we tvràrì móngdàn vní lvp svng shvrvm shvrá lúnlvm dangrì tøp tøp wa dvmvnnø vra shì lúnbøà we dang we lìpùng taq svrado Hilarion nvng Cardinal Koch gø vbá nø Russia Octhadox kènî shølshú vgo pè Kirill nvng mòngzøl dø vrashì lún bøì we dang dvtú vtnà we íe.

Svrabín koqkámpè Francis nø we Octhadox shvngømré shølshú vgo Kirill nvng vzàng kaq 2016 February 12 ni taqgø tiqboq vhøm shaq íwe íe.

Svrabín koqkámpè Francis taq kèní 2013 nøng àng nvmlat Svrabín koqkámpè vya svng kámshì bøì mèpvng nø yadø Octhadox shvngømré nvng vzøm vzvp we, vrvm vrá lvm tvrà taq dvzaqshì ráì wegø íe.

Tuqrawe March 25 ni taqnø Svrabín koqkámpè Francis taq kèní shølnø Ukraine móngdàn nvng Russia móngdàn dvpvt Yesu àngmè Mari kaq dvtit tvleā we vjúrøt lìpùngmè wàlvm gø dvkám bøà we íe.

Add new comment

1 + 0 =