Svrabín koqkvmpè Francis nø hízā we íni gø zaqlerì nvng vhøm we taq rvtø vrvm dvzaq dvgvngshì we.

Svrabín koqkvmpè Francis nø hízā we íni gø zaqlerì nvng vhøm we taq rvtø vrvm dvzaq dvgvngshì we.

 Svrabín Koqkvmpè Francis nø St.Peter noqngøm tømè svng roqgar we vzúngshúrì nvng vhøm bøì.Àngmaq nø St.Peter noqngøm tømè nvng we shvnvng gwùr vhøm taq vl rì kaq svng roqgar lvm dvpvt Vatican yé mvdò nvng tiqdø dvnúngò we Italy yé mvdò íe. Vlē a:mì we vní (2) nøng vdòng taq yóga zønlì dvjvng rì rvt àngmaq gvzà bvnlì luqbø'ì we íe. Svrabin Koqkvmpè Francisí àngmaq kaq shiqshan lvm dang taq gvzà yvk we rvtø zíkvn vdòng taqø vbóng vtuk dø zømà nø dvnúngà bøì rvt gvzà oqā wàwe dang" Yà shvlá vdòng vjúrøt mvdò rìò røtshì mvtúrì nvng Yóga zønlì dvjvng rì rvt mvsvtshì we.

 Shiqshan lvm tvrà zíkvn rì nvng tiqdvr vsvngrì shømløm lvm lòng svng shvla dø dvcøpmà nø dvnúngà we, ring we shvra rì nvng Vatican myoqò mongzøl lòng svng ria lún we namaqò kūngà shaq svng gø gvzà oqā wvnge" wanø Svrabin Koqkvmpè Francis taqkèní shøn bøā.

 Gvzà màle dvgvp Roma myoq taq zi dv'ng vl we síng tiqlòng kaq svrabín Koqkvmpè dì we taq gø shømløm lvm dvpvt yà yé mvdò taq bvnlì vlē. " Italy yv'ng vyvngroq bvnlì tvrà rvt dì lúngì we sasvna bvnlì wàrì mø-í ni nø Roma svng dì nø v-sè we namaqò muqhøm wáshì lòng svng gø oqā wvng sórì dvdàmìe wànø svrabín Francis taqkèní shøn bøì. Svrabín Koqkvmpè nø àngwa dø dì ra we Vsvngrì kaq svng tiqgø'mèpvng tiqgø'kaq rip nø pàmvrà wàwe íni gø vkvt rvtø taq nø híbøt za rvt Rùng taqsórì pàmvrà wanø røtnímshìe.