Svrabin koqkampe Francis À:ngò Dvgvm Svng St. Marry Major Basilica Noqngøm Tøngnø Taq Tvlú Dvgø'shì Shaq Íbø'ì

À:ngò Dvgvm Svng St. Marry Major Basilica Noqngøm Tøngnø Taq Tvlú Dvgø'shì Shaq Íbø'ì Wanø Svrabín koqkám pè Francis í, Shønò We

Mexican shvngkà dvp nvng vhøm nø vtoqvtip bø'ì we taq Svrabín koqkám pè Francis nø Salus Populi Romani tø'shì we Medo Mariò hàng svng vpø' shvring we dvng taq kèní à:ngò Dvgvm svng St. Marry major Basilica Noqngøm Tøngnø Taq tvlú dvgø'shì bø'ì wanø we dedíntawk í X soshermidia Twitter yáng dvshvng bø'à we íe.

Svrabín koqkám pè Francis nø à:ngò Sasvna bvnlì zaqle wang Shvmí mvdi we nvng bóymè rì shvni mvwàò rvtø vrvm taq we hàng sømla vlwe basilica Noqngøm Tøngnø yvng dinø vjúrøt shìnø vlshàe.

Svrabín koqkám pè Francis nø Vatican taq bvnlì døngjá dāwon vl rì svng "ngà nø shvrø'ng we írvt yadø tvlú dvgø'shì we íe wanø shøn yv:ngà. Denøng la vdùng taq shiqshvn tvrà gvza màvl we ínigø Svrabín koqkám kèní nvrshi lvm màdvdvmò wanø shøn yv:ngà we íe.

2013 nøng taq Svrabín koqkám pè Benedict 16 ò, nvrshì bø'ì we dang svng vsvng vrvm svng dá dvzvr bø'à. Svrabín koqkám pè Benedict 16 nø cøpshá shìnø a:ngí rí mvdá:ngò we rvtø taq nvrshi we nøtsvn vpø' shvring vdue. A:ngò laqya shvlá svng cvnshi lvm shvlae. Ngàí gø mvdá:ngò we døngjá svng gvl lvm vjúrøt shø:ngè, Gvray shóngwám shìdø zvn dvtut vrá rílún lvm vjúrøt shø:ngè wanø we shvngkà dvtøp shúpèí shønò rvt shálún shìe.

#rvarvwang

#news