Synod vrìng kàru (III) tut

Synod vrìng kàru (III) tut

Synod vrìng kàru nv̀mlat tut taq "Gvray dvbùshv̀ng bv̀nlì taq tiq zaqlè tvrà kèní diwe gømla" nø gálòng taqkèní tiqdø zaqlè tvrà svng Gvray paqzí í tvnùng bǿà we íe. Yadang taq tiq zaqlè tvrà kèní dvbùshvng bvnlì taq dvzaqshì wenø vshø̀m gǿ tiqgóng Gvray kaq mvngu shàì we gømla kèní wáshì we nvng vzø̀m vzvp we tvrà màbóngwe tvrà rì nø shvngø̀mré ò zaqshøp tiqlòng ku vpǿ shvring shì wegø íe.

"coqcv́nrì shvngbe nvng dvbùshvng bv̀nlì wawe vsv̀ngrì shvngbe" wawe kà vgo kèní nv̀mbat(II) tut taq shvngø̀mré ò dvbùshvng bv̀nlì nvng vzø̀m vzvp we tvrà shvngbe vbá we íe. Mvdø̀ng nø dvbùshvng bv̀nlì taq tiq zaqlè tvrà diwe nø Gvray àngò dvcì ò zaqlè tvrà rì nvng Gvray àng móngdàn tvpní shìrawe svng Gvray dvbùshvng bv̀nlì tvrà taq shv̀shér pvlàcè Gvray ò jejú ìshøt nvng Gvray bv̀nlì wawe vsvngrì ò jejú rì svng mvngushì we dang vtàn ò we íe.

(III) tut wa tut taq nø " kàciq gv́lshì we tvrà nvng vsv̀ng mv̀ngpòng mvdò svng vrangshì we dang" vrìng we íe. ya tut taqnø shvngø̀mré vdòng taq tasvng dvtit tvle we nvng mònggv̀n nvng vhømnø̀ mvngushì we tvrà wálún we mvdòrì ò bv̀nlì kùlwàng tiqlòng gø íe.

Welòng (III) tut taq vbóng we tvrà rì, wá ràwe bv̀nlì àng mvtú rì nvng sing nø vrashì we dangrì svng muqhǿm mvngu shì we tvrà gø íe. Wá ràwe bv̀nlì àng mvtú rì taq Gvray paqzí dang, vyv̀ng roqshú rì ò tvrà Canon uqbvdi rì dang zv̀n dvtut wá ràwe dang vhøm nø mvngu shì we íe. We dangrì taqkèní røt kà rì, paqzí dvkø̀m we dang rì taq tiqmaq taqkèní vto ò we nvng nøt vrá kàciq rì gv́lshì we gø íe.

Vzav̀nglvp rvtø̀ rì taqnø rì taq nv̀msvr móng Catholic shvngø̀mré me vháng vlún lv́m tvrà dang gø vchvk mvdø̀ng tiqlòng ku vbá longwe íe. Roma taq wáshì bǿì we Synod lìpùngmè nø shvngø̀mré mè taqkèní muqlàng móngdàn ò shvla we dvyø̀ rì luqpø̀n nø télv́m dvpvt mònggv̀n svng gálòng zílún lv́m manggá kèní wáshì we íe.