Tòniò dvjà svng roqgvr lún we laqyà

Tòniò dvjà svng roqgvr lún we laqyà

Dèni bat làngrérì taq tòniò mònggvn dvjà svng roqgvr nø dvcøp shvnvp dvzaqshì we svng yánglúnò rat gvzà dvbù lvm vle. Yadø laqyà rì nø àngmaq yáng kèní cvnshì nø cvndøng lvm shvla we laqyà rì ni íe.

Ya September shvlá taq nø tòniò pvnmvn dvrèrì, àng dvjàrì dvpat dvdamshì nø vjú røtwe shvlá íe wanø Svrabín koqkámpè Francis taq kèní vrìng a:tnà.

Tòniò dvjà taq shvnvr shàì nø nøngmaq cúnshàì we svng dvdam shàì. Téwa shagóng shiqshàn tvrà nvng tòniò shìwvt rì svng dvdam lvm wàì.

Nøng maq í wàì we, lángì we bvnlìrì, dvrèrì yángkèní we tòniò àng dvjàrì svng gvyaq shàì we dang rì dvdam lvm wàì.
 
Mònggvn svng gvyaq shì lúnò we dvrèrì lángshì we tvrà svng dvdam nø dvtøp vdu á:mì.

Vrá nø dvcøp shvnvp lvm tvrà svng wà lvm wàì.
 
Yani laò shòlaqré rì nvng vzømì nø bvnlì wálún lvm roqgvr lún lvm dvpat vjú røt dvzaq shàì.

Àng maqnø mèpvng mèyà rì dvpat shvla we tvrà svng tóngā lún lvm tvrà taq dvzaqshì vsvngrì ni íe.