Vjúrøt shìwenø kámnøt dvpat cì, pvlàcè dvpvt kupgvrā lúnwe íe

Vjúrøt shìwenø kámnøt dvpat cì, pvlàcè dvpvt kupgvrā lúnwe íe

Svrabín koqkámpè Francis shø̀nwe taq “ Kàngpè Yesu nø kámnøt tvrà kaqsvng shvdøng shvngá:ngāwe, kupgvrāwe cì svng zíāwegø íe. Welòngnø kapà íemá wani vjúrøtshìwe tvrà íe. Vjúrøt shìwe nø kámnøt tvrà dvpvt cì gvbà tiqlòng ni íe. Pvlàcè kaq gø gupgvrāe”

Nøngmaqò kámnøt tvràrì cúnshìnø shiqshàn dvzv́r lv́m dvpvt nøngmaq shvngbe nø rvtø̀ vrv̀m taq vjúrøt dvzaqshì ràlonge. Welòngnø nøngmaqò pvlàcèrì kaq shvlawe tvràrì nvng vzø̀m vzvp dvzv́r wegø íe.

“nøngmaq nø ni vrv̀m vjúrøt dvzaqshì ràe. Rvtø̀ vrv̀m taq Gvray kaq lvpat apnúng shì ràe. Wekvt àngnø nøngmaq nvng rvtø vrv̀m taq tiqdø vl we sv̀ng vtoshì lún lú:ngìe. Weratnø nøngmaqò nøt mvsø̀n bá:ngkàrì svng tánā ràwe gø íe. Wekvt nøngmaq dvpvt shóngnøtrì, mòngzø̀lwe tvràrì, jór nònggwònrì, dvdamnøtrì kaqsvng àngí ziwe ínø̀ kámnøt tvrà taqgø shvngá:āwe gø íe.” Wanø̀ Svrabín koqkámpè Francis taqkèní dvkámnø nònggwòn ziwe gø íe.

“ni vrv̀mò rvtø̀rì dvpvt Kàngpè kaqsv̀ng oqà wáràwe nvng vdèò lvpat rvtørì shvngbe kaqsv̀nggø kàngpè ò wursvng apshàì. Wekvt nøngtaq shóngnøtrì, mòngzø̀lwe tvràrì, ngòrbyowe lv́m tvràrì nvng dvdamshì lv́m tvràrì svng àngí vrá zílúngì we ínø kámnøt tvrà taqgø shvngá:ngā lú:ngìe wanø Svrabín koqkámpè Francis taqkèní dvkánø nònggwòn ziwe gø íe.

Yesu àngmè Mari taqkèní gø nøngmaqò vjúrøt kàrì svng ètáāì nø rvtø̀ vrv̀m taq kadø vjúrøtshì ràwe dang sheng:øtìwe íe. Wanø Svrabín koqkámpè Francis taqkèní dvkámnø̀ nònggwòn zikà dvtú bǿà wegø íe.