Vrvm vrá we bashà rì nø tasvng rvwing bvnlì wàlvm mvwáshì wawe

Vrvm vrá we bashà rì nø tasvng rvwing bvnlì wàlvm mvwáshì wawe

September 26 lvbán ni St. Peter nøqngøm tømø vjúrøt mòngkà mvngushì lìpùng taq Svrabín koqkámpè Francis taq kèní dvkám we kàtaq nøngmaqí cvndøng mvlúnì tvràrì, màdu màbóng we tvràrì nvng dvgá dangrì taqkèní tiqdál vsvng kaq rvwìngwe bvnlì wá mvdaq wanø dvkám bøà we íe.

Yesu àng coqcánrì dvhø taqø gø kagø nø te nø kagø nø cvme wanø vzøngwe rvtø taq gø Yesu àngbøng kèní shvla we bvnlì rì wàò vsvng kaq vgám lvm mvvl long shvngbe nø tiq tvrà svng wa dìì we svng shvngøt dvtú we dang vrá shvdøm nø nvngòn ziwe íe.

Shvlawe mà shvlawe bvnlì wàò vsvng tiqgø vrvm kaq svng nøngmaqí síngsháì wedø ngànshàpè ò dvløt gvzàmwe tvrà taq mvcvn lvm shvdøm we íe.

Ngànshàpè ò dvløt gvzàmwe nø vsvng màngpòngrì dvhø taq ínìgø tvp níshì sháòe wa nø dvkám we íe.

Yesu coqcánrì bat taqgø àngmaq í wàò we chutcháng bvnlì rì shvngbe nø shvla we wa íe wanø dvdam vléshì we taqgø Yesu kristuí shvdøm nø shvngøt dvtú yàngà we dang kèní vrá tiqkvt nvngòn ziwe íe.

Vsvng mvdò rì nvng vlwe vsvngrì nø àngmaq nvng vsvrvmwe vsvngrì kaq dvgá wángzà vsvngrì ku dvdut shìlòng gø vléshì we tvrà ílong svng shvdøm we íe. Nøngmaqí wa dánglúnì nø ngàì wa síngshá:ngòe wawe nøt mvsøn rì nø ngànshàpè ò bvnlì ni íe wanø Svrabín koqkámpè Francis taq kèní dvkám we íe.