Yesu àngnvng tiqdø ínìnø pàgø wádá:ngìe

Yesu àngnvng tiqdø ínìnø pàgø wádá:ngìe

Yesu àngnvng tiqdø ínìnø pàgø wádá:ngìe

Nøngmaqò kù:ngà vnǿ:nì we tvràrì, kratcǿm we tvràrì vlwe ínìgø Gvray àngò dvsháza shóngnøt taqkèní mvrà chutālv́m svng røtnímshì ràìe. Gvray àngkaq sv̀ng tvpníshì lúnlv́m dvpvt Yesu nvng tiqdø evl we ínìnø pàdang taqgø bǿn daqwe gø íe.

Mt 3:1-12 taq tìløp Yohan í chángkànpè Yesu dang vcha:ngò wegø íe.

Tìløp Yohan nø àngò lvpat taq yakwe, svre lv́m tvràrì vhǿmò we dang svng nøngmaq taqkèní dvdam shìlv́m vlwe íe. Ínìgø àngtaqkèní nøngmaq dvpvt yadø Yesu tuqrawe rvtø̀ langcha taq vchak we rv̀mnvng tiqgǿ ku vlwe íe. Parishi rìnvng saduke rì nø àng dvpvt nøt mvgám wáshì nø àng yv́ngsvng dì yv̀ngì. Àngmaq nø shvngbe kø̀mzøpwe vsvngrì íratnø nøtlíng shì mvrà wanø dvdutshì yv̀ngì. Tìløp Yohan í shvdǿm we kàrì svng màto yv̀ngò.

Tìløp Yohan í shvdǿm yv̀ngà we kàshaqrì nø Gvray àngò dvsháza shóngnøtrì ni íráì. Àngshø̀n yv̀ngì we taq muqlàng móngdàn tvpníshì ráì werat nøt vwángshì lv́m dvkámnø shvdǿm ráà we íe.

Nøngmaq shvngbe gø vdèò dòngnøt mvsø̀n, jàng laqyàrì svng nøt cun dvtøpshì ràwe gø íe. Parishi rìdø ni vlì we íemá? Àngnvm àngchangrì shvdaq tasvng tubùmā kèlv́m nvng àng yv̀ng svng mvrà chutā lv́m dvpvt røtním shìràwe gø íe.

Yesu kristu nvng tiqdø vlwe ínìnø pagø wádá:ngìe walòng svng nøt mvsø̀n taq dvdamshì ràwe gø íe.

Yadø lòngzàpè Yesu tuqrawe rvtø̀ lvngcha taq ìshøt jejúrì vto shàì nø àngyv́ng svng tvpní shì lv́m rvtø̀ lvngcha tiqlòng gø íwe íe. Wewa mvtaq cømsaq mòngzø̀l lv́m tvrà dvpvt gø vjúrøt dvzaqshì lv́m dvpvt Svrabín koqkámpè Francis taqkèní dvkámnø vrìngvt nà wegø íe.

Add new comment

4 + 0 =