Ídømshì we taq kèní shvnshvŕ we tvrà svng wanx Svrabín koqkámpè Francisí vtvn bøa we shvngkà

Ídømshì we taq kèní shvnshvŕ we tvrà svng wanx Svrabín koqkámpè Francisí vtvn bøa we shvngkà

Kàngpè Yesuí dvshvng yàngà we dvrá mòngkà vshvt ciq taq kèní cáni lvbán vshømni taq rvsángcè rì sàng dvkám bøà.

COVID 19 yóga zønlì rvtnø livestream taq kèní April 29 ni Svrabín koqkámpe Francis í dvshang bøà we taq Gvray mòngkà taq kèní cúnshì rà we svng shøn dvkàng bøa. Shøn mvyø we nø àngdèò ídøm shádøm shì we vdòng taq shvnshvŕ we pvlàcè í shør we tvrà svng gø vtoshì rà lòng svng shvdøm we íe.

Døngman tvrà rvtnø dvki vrèlv́m vhǿ:mò vsvngrì nø ìshøt ìgv̀n v̄le; kadø íe wani muqlàng móngdàn nø angmaqò íāòe.(Mati 5:10) Pvlàcè dang mvshámhoq dvshá dǿmshirì nø ìshøt ìgv̀n v̄le; kadø íe wani muqlàng móngdàn nø angmaqò íāòe.(Mati 5:3) Wanø dvkám bøà.