Bang mvnøcè íwe nøt wáshìwe nø kàngpè yesuq nvng vlwe gømla tiqlòng íe

Bang mvnøcè íwe nøt wáshìwe nø kàngpè yesuq nvng vlwe gømla tiqlòng íe

Jàng laqyà shvlá wáshìwe taqkèní angdèò chøm døngku, vdè móng vdè rvgaq svng laqyà shvlá kèní tùbum dvbang shìwe ràwe íe. Pø gvmsùngrì alu zíshì we mø:í nø nøt mvsøn kèní zíshì ràwe íe.

Jàng laqyà tiqlòng kèní angdè góng angdè ídømshì we mvpnøt zángshì we rìtaq kèní sarshì laq lúnì. Ínìgø kám vsvngrì dvhø taq yalòng svng laqyà shvlá tiqlòng dø mvwáshì. Angdè nøt cv'nshì nø vdú vna wawe vsvng rìkaq mvwá shìlvm shvdøm we íe.

Svrabín koqkámpè Francis taq kèní bang mvnøcè íwe nøt mvsøn laqyàrì gvlshì lvm nvng màdu mà dvrá we dangrì svng vgám lvm shvdøm we íe.

Kàngpè yesu nvng tiqdø wáshìe wawe taq àngdèò vjúrì svng mvyàngì nø tiqdá vsvngrì kaq tubum dvbangshì lvm nø mvsøn gvl shì we svng shøn mvyø we íe.