Bvnlì taqwa nøt løpshìnø gvray kaq vjúrøtshì we svng rvtø mvzíshì we vsvng kaq bashàrì wanø tø mvlúnshì wawe

Bvnlì taqwa nøt løpshìnø gvray kaq vjúrøtshì we svng rvtø mvzíshì we vsvng kaq bashàrì wanø tø mvlúnshì wawe

Ya lvbán vdòng Svrabín koqkámpè Francis ò àng mòngkà taq døngku àngshvr shvzøng shìbøì we chømdøngkurì svng nvngòn ziwe nvng rvcángcèrì kaq shvdøm we mòngkà dvtúvtnà we gø íe.

Bashàrì taq vjúrøtshìwe dang mapraydø dvzaqshì ràwe nø gvzàni vchyak we íe. Nøngmaq taq ni vrvm bvnlìrì vkøn rawe ínìgø ni vrvm gvray àngnvng vtoqshì ràwe dang shvdøm nø nvngòn ziwe íe.

Bvnlì wàngrì taqwa nøtløpshì we gvray àngkaq rvtø mvziwe vsvng nø bashà wanø bøn lvm rvzaq longe. Rvcángcèrì gø vrvm taq ni vrvmò àngdè lvpat svng gvray kaq vtoqshìwe, vjúrøtshìwe dang mvvlwe ínìnø àngdèò lvpat nø vjú mvvl nø vshøng màshøng ni ívme. Ni vrvm ò bvnlì luqwe vsvng nvng tiqchøm vsvng, àngcø àngcèrì liqwe tiqchøm vsvngrì dvpat nø vjúrøtshìlvm rvtø lushìwe yaklonge.

Vjú røt shìwe nø yùlwe bvnlì tiqlòng niíe wanø dvdamshì lvm nø mø:í. Tiqgø nvng tiqgø tasvng vjúrøtā kelvm dang svng gø vná mvdaq. Weratnø nøngmaq bashàrì lvpat taq gvray àngnvng vtoq vtip we vjúrøtshì lvm tvrà svng vchyak we bvnlì tiqlòng ku gvlshìlvm svng shvdøm nø nvngòn ziwe íe.