Cvmreri svng bvnli wa dvzxro nx dvshamvre wa mvdaq

Cvmreceri svng bvnli wa dvzxro nx, paqzi cvnlvm rvtx shvmvngo tvrari mvwalvm dvpvt Svrabin Francisi, Mongdan vrvm keni vsvngri kaq rxtno we. 

Yarvgaq yvng Cvmreceri meme nx, angmaqo cvmre dvci yvng cvndxng rawe paqzi angpvn pvn cvn mvluno nx, bvnli wa dvzxr vhxmo rvt dvsha mvre iwe ri gvza vle, wa nx, Lvbvn Vsumniq taq Vatican yvng shxno we svng Vatican Shvnka keni shalun shie. 

Mongdan vrvm yvng, paqzi cvn mvluno we cvmre gvza vl nx, vde chxm vsvngrio vm aq tvra dvpvt bvnli wa dvzxro sori mvyvm washi we long nx gvza mvgvm we bvnli i we svng Svrabin pei shxnoe. Wedx i we bvnli rvtnx Cvmreri nxnt dvsha we tiqdvcha, gongsha gx gvyaq dvzxro long i we svng shxnoe. 

"Vya lunori svng ngai vpxwe taqkeni rxtno we", wanx Svrabini shxno. Cvmreri nx, mepvng dvci yvng, dxngku angpe angme washilvm vsvngri ie. Angmaq svng vpxwe tagkeni, paqzi cvn we, nxntnvrxm nvng gongsha pvmvra ilvm dvpvt dvbvng rae wa nx shxno svng Vatican Shvngka keni shalun shie.